Wycliffe Bible

Song of Songs 7

A further description of the Church's graces.

Song of Songs 7:1 Douytir of the prince, thi goyngis ben ful faire in schoon; the ioyncturis of thi heppis ben as brochis, that ben maad bi the hond of a crafti man. Song of Songs 7:2 Thi nawle is as a round cuppe, and wel formed, that hath neuere nede to drynkis; thi wombe is as an heep of whete, biset aboute with lilies. Song of Songs 7:3 Thi twei teetis ben as twei kidis, twynnes of a capret. Song of Songs 7:4 Thi necke is as a tour of yuer; thin iyen ben as cisternes in Esebon, that ben in the yate of the douyter of multitude; thi nose is as the tour of Liban, that biholdith ayens Damask. Song of Songs 7:5 Thin heed is as Carmele; and the heeres of thin heed ben as the kyngis purpur, ioyned to trowyis. Song of Songs 7:6 Dereworthe spousesse, thou art ful fair, and ful schappli in delices. Song of Songs 7:7 Thi stature is licned to a palm tree, and thi tetis to clustris of grapis. Song of Songs 7:8 I seide, Y schal stie in to a palm tree, and Y schal take the fruytis therof. And thi tetis schulen be as the clustris of grapis of a vyner; and the odour of thi mouth as the odour of pumgranatis; Song of Songs 7:9 thi throte schal be as beste wyn. Worthi to my derlyng for to drynke, and to hise lippis and teeth to chewe.

The Church professeth her faith and desire.

Song of Songs 7:10 Y schal cleue by loue to my derlyng, and his turnyng schal be to me. Song of Songs 7:11 Come thou, my derlyng, go we out in to the feeld; dwelle we togidere in townes. Song of Songs 7:12 Ryse we eerli to the vyner; se we, if the vyner hath flourid, if the flouris bryngen forth fruytis, if pumgranatis han flourid; there I schal yyue to thee my tetis. Song of Songs 7:13 Mandrogoris han youe her odour in oure yatis; my derlyng, Y haue kept to thee alle applis, new and elde.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook