Song of Songs 2
The mutual love of Christ and his Church.
Song of Songs 2:1 I am a flour of the feeld, and a lilye of grete valeis. Song of Songs 2:2 As a lilie among thornes, so is my frendesse among douytris. Song of Songs 2:3 As an apple tre among the trees of wodis, so my derlyng among sones. I sat vndur the shadewe of hym, whom Y desiride; and his fruyt was swete to my throte. Song of Songs 2:4 The king ledde me in to the wyn celer; he ordeynede charite in me. Song of Songs 2:5 Bisette ye me with flouris, cumpasse ye me with applis; for Y am sijk for loue. Song of Songs 2:6 His left hond is vndur myn heed; and his riyt hond schal biclippe me. Song of Songs 2:7 Ye douytris of Jerusalem, Y charge you greetli, bi capretis, and hertis of feeldis, that ye reise not, nether make to awake the dereworthe spousesse, til sche wole. The vois of my derlyng; lo!
Song of Songs 2:8 this derlyng cometh leepynge in mounteyns, and skippynge ouer litle hillis. Song of Songs 2:9 My derlyng is lijk a capret, and a calf of hertis; lo! he stondith bihynde oure wal, and biholdith bi the wyndows, and lokith thorouy the latisis.
and calling of the Church.
Song of Songs 2:10 Lo! my derlyng spekith to me, My frendesse, my culuer, my faire spousesse, rise thou, haaste thou, and come thou; Song of Songs 2:11 for wyntir is passid now, reyn is goon, and is departid awei. Song of Songs 2:12 Flouris apperiden in oure lond, the tyme of schridyng is comun; the vois of a turtle is herd in oure lond, Song of Songs 2:13 the fige tre hath brouyt forth hise buddis; vyneris flourynge han youe her odour. My frendesse, my fayre spousesse, rise thou, haaste thou, and come thou.
Christ's care of the Church.
Song of Songs 2:14 My culuer is in the hoolis of stoon, in the chyne of a wal with out morter. Schewe thi face to me, thi vois sowne in myn eeris; for thi vois is swete, and thi face is fair. Song of Songs 2:15 Catche ye litle foxis to vs, that destrien the vyneris; for oure vyner hath flourid.
The profession of the Church, her faith and hope.
Song of Songs 2:16 My derlyng is to me, and Y am to hym, which is fed among lilies; Song of Songs 2:17 til the dai sprynge, and schadewis be bowid doun. My derlyng, turne thou ayen; be thou lijk a capret, and a calf of hertis, on the hillis of Betel.