Wycliffe Bible

Ruth 3

By Naomi's instruction,

Ruth 3:1 Forsothe aftir that Ruth turnede ayen to hir modir in lawe, Ruth herde of hir, My douytir, Y schal seke reste to thee, and Y schal purueye that it be wel to thee. Ruth 3:2 This Booz, to whose damesels thou were ioyned in the feeld, is oure kynesman, and in this niyt he wyndewith the corn floor of barli. Ruth 3:3 Therfor be thou waischun, and anoyntid, and be thou clothid with onestere clothis, and go doun in to the corn floor; the man, that is, Booz, se not thee, til he haue endid the mete and drynke. Ruth 3:4 Forsothe whanne he goth to slepe, marke thou the place in which he slepith; and thou schalt come and vnhile the cloth, with which he is hilid, fro the part of the feet, and thou schalt caste thee doun, and thou schalt ly there. Forsothe he schal seie to thee, what thou owist to do.

Ruth lieth at Boaz's feet.

Ruth 3:5 Which answeride, What euer thing thou comaundist, Y schal do.

Ruth 3:6 And sche yede doun in to the corn floor, and dide alle thingis whiche hir modir in lawe comaundide to hir. Ruth 3:7 And whanne Booz hadde ete and drunke, and was maad gladere, and hadde go to slepe bisidis the heep of handfuls, sche cam, and hidde hir silf; and whanne the cloth was vnhilid fro hise feet, sche castide doun hir silf.

Boaz acknowledgeth the right of a kinsman.

Ruth 3:8 And lo! now at mydnyyt the man dredde, and was troblid; and he siy a womman lyggynge at hise feet; Ruth 3:9 and he seide to hir, Who art thou? Sche answeride, Y am Ruth, thin handmayde; stretche forth thi cloth on thi seruauntesse, for thou art nyy of kyn. Ruth 3:10 And he seide, Douytir, thou art blessid of the Lord, and thou hast ouercome the formere mercy with the lattere; for thou suedist not yonge men, pore ethir riche. Ruth 3:11 Therfor nyle thou drede, but what euer thing thou schalt seie to me, Y schal do to thee; for al the puple that dwellith with ynne the yatis of my cytee woot, that thou art a womman of vertu. Ruth 3:12 And Y forsake not, that Y am of nyy kyn, but another man is neer than Y; Ruth 3:13 reste thou in this nyyt, and whanne the morewtid is maad, if he wole holde thee bi riyt of nyy kyn, the thing is wel doon; forsothe if he nyle, Y schal take thee with outen ony doute, the Lord lyueth, that is, bi the Lord lyuynge; slepe thou til the morewtid.

He sendeth her away with six measures of barley.

Ruth 3:14 Therfore sche slepte at hise feet til to the goyng awey of nyyt, and so sche roos bifor that men knewen hem silf togidere. And Booz seide to hir, Be thou war lest ony man knowe, that thou camest hidir. Ruth 3:15 And eft he seide, Stretche forth thi mentil with which thou art hilid, and holde thou with euer either hond. And while sche stretchide forth and helde, he mete sixe buyschels of barly, and puttide on hir; and sche bar, and entride in to the citee, Ruth 3:16 and cam to hir modir in lawe. Which seide to Ruth, What hast thou do, douyter? And Ruth telde to hir alle thingis, whyche the man hadde do to hir. Ruth 3:17 And Ruth seide, Lo! he yaf to me sixe buyschels of barly; and he seide, Y nyle that thou turne ayen voide to thi modir in lawe. Ruth 3:18 And Noemy seide, Abide, douytir, til we sien what issu the thing schal haue; for the man schal not ceesse, no but he fille tho thingis whiche he spak.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook