Elimelech driven by famine into Moab, dieth there.
Ruth 1:1 In the daies of o iuge, whanne iugis weren souereynes, hungur was maad in the lond; and a man of Bethleem of Juda yede to be a pylgrym in the cuntrei of Moab, with his wijf and twey fre sones. Ruth 1:2 He was clepid Elymelech, and his wijf Noemy, and the twey sones, the oon was clepid Maalon, and the tother Chelion, Effrateis of Bethleem of Juda; and thei entriden in to the cuntrey of Moab, and dwelliden there. Ruth 1:3 And Elymelech, the hosebonde of Noemy, diede, and sche lefte with the sones;
Mahlon and Chilion, having married wives of Moab, die also.
Ruth 1:4 and thei token wyues of Moab, of whiche wyues oon was clepid Orpha, the tother Ruth. And the sones dwelliden there ten yeer, Ruth 1:5 and bothe dieden, that is, Maalon and Chelion; and the womman lefte, and was maad bare of twey fre sones, and hosebonde.
Naomi returning homeward,
Ruth 1:6 And sche roos to go with euer eithir wijf of hir sones in to hir cuntrey fro the cuntrey of Moab; for sche hadde herd, that the Lord hadde biholde his puple, and hadde youe metis to hem. Ruth 1:7 Therfor sche yede out of the place of hir pilgrymage with euer either wijf of hir sones; and now sche was set in the weie of turnyng ayen in to the lond of Juda,
dissuadeth her two daughters in law from going with her.
Ruth 1:8 and sche seide to hem, Go ye in to the hows of youre modir; the Lord do mercy with you, as ye diden with the deed men, and with me; Ruth 1:9 the Lord yyue to you to fynde reste in the howsis of hosebondis, whiche ye schulen take. And sche kiste hem. Whiche bigunnen to wepe with vois reisid, Ruth 1:10 and to seie, We schulen go with thee to thi puple. Ruth 1:11 To whiche sche answeride, My douytris, turne ye ayen, whi comen ye with me? Y haue no more sones in my wombe, that ye moun hope hosebondis of me; my douytris of Moab, turne ye ayen, and go; Ruth 1:12 for now Y am maad eeld, and Y am not able to boond of mariage; yhe, thouy Y myyte conseyue in this nyyt, Ruth 1:13 and bere sones, if ye wolen abide til thei wexen, and fillen the yeris of mariage, ye schulen sunner be eld wymmen than ye schulen be weddid; I biseche, nyle ye, my douytris, for youre angwische oppressith me more, and the hond of the Lord yede out ayens me.
Orpah leaveth her, but Ruth with great constancy accompanieth her.
Ruth 1:14 Therfor, whanne the vois was reisid, eft thei bigunnen to wepe. Orpha kisside the modir of hir hosebonde, and turnede ayen, and Ruth cleuyde to the modir of hir hosebonde. Ruth 1:15 To whom Noemy seide, Lo! thi kyneswomman turnede ayen to hir puple, and to hir goddis; go thou with hir. Ruth 1:16 And sche answeride, Be thou not aduersarye to me, that Y forsake thee, and go awei; whidur euer thou schalt go, Y schal go, and where thou schalt dwelle, and Y schal dwelle togidere; thi puple is my puple, and thi God is my God; Ruth 1:17 what lond schal resseyue thee diynge, Y schal die ther ynne, and there Y schal take place of biriyng; God do to me these thingis, and adde these thingis, if deeth aloone schal not departe me and thee. Ruth 1:18 Therfor Noemy siy, that Ruth hadde demyde with stidefast soule to go with hir, and sche nolde be ayens hir, nether counseile ferthere turnynge ayen to her cuntrei men.
They two come to Beth-lehem, where they are gladly received.
Ruth 1:19 And thei yeden forth togidere, and camen in to Bethleem; and whanne thei entriden in to the citee, swift fame roos anentis alle men, and wymmen seiden, This is thilke Noemy. Ruth 1:20 To whiche sche seide, Clepe ye not me Noemy, that is, fair, but clepe ye me Mara, that is, bittere; for Almyyti God hath fillid me greetli with bitternesse. Ruth 1:21 Y yede out ful, and the Lord ledde me ayen voide; whi therfor clepen ye me Noemy, whom the Lord hath maad low, and Almyyti God hath turmentid? Ruth 1:22 Therfor Noemy cam with Ruth of Moab, the wijf of hir sone, fro the lond of hir pilgrimage, and turnede ayen in to Bethleem, whanne barli was ropun first.