Psalms 99
The prophet, setting forth the Kingdom of God in Zion,
Psalms 99:1 {The eiyte and nyntithe salm.} The Lord hath regned, puplis ben wrooth; thou that sittist on cherubyn, the erthe be moued. Psalms 99:2 The Lord is greet in Sion; and hiy aboue alle puplis. Psalms 99:3 Knouleche thei to thi greet name, for it is ferdful and hooli; Psalms 99:4 and the onour of the king loueth doom. Thou hast maad redi dressyngis; thou hast maad doom and riytfulnesse in Jacob.
exhorteth all, by the example of forefathers, to worship God at his holy hill.
Psalms 99:5 Enhaunse ye oure Lord God; and worschipe ye the stool of hise feet, for it is hooli. Psalms 99:6 Moises and Aaron weren among hise preestis; and Samuel was among hem that inwardli clepen his name. Thei inwardli clepiden the Lord, and he herde hem; Psalms 99:7 in a piler of cloude he spak to hem. Thei kepten hise witnessyngis; and the comaundement which he yaf to hem. Psalms 99:8 Oure Lord God, thou herdist hem; God, thou were merciful to hem, and thou tokist veniaunce on al her fyndyngis. Psalms 99:9 Enhaunse ye oure Lord God, and worschipe ye in his hooli hil; for oure Lord God is hooli.
|
