Psalms 94
The prophet, calling for justice, complaineth of tyranny and impiety.
Psalms 94:1 {The thre and nyntithe salm.} God is Lord of veniauncis; God of veniauncis dide freli. Psalms 94:2 Be thou enhaunsid that demest the erthe; yelde thou yeldinge to proude men. Psalms 94:3 Lord, hou longe synneris; hou longe schulen synneris haue glorie? Psalms 94:4 Thei schulen telle out, and schulen speke wickidnesse; alle men schulen speke that worchen vnriytfulnesse. Psalms 94:5 Lord, thei han maad lowe thi puple; and thei han disesid thin eritage. Psalms 94:6 Thei killiden a widowe and a comelyng; and thei han slayn fadirles children and modirles. Psalms 94:7 And thei seiden, The Lord schal not se; and God of Jacob schal not vndurstonde.
He teacheth God's providence.
Psalms 94:8 Ye vnwise men in the puple, vndirstonde; and, ye foolis, lerne sum tyme. Psalms 94:9 Schal not he here, that plauntide the eere; ethere biholdith not he, that made the iye? Psalms 94:10 Schal not he repreue, that chastisith folkis; which techith man kunnyng? Psalms 94:11 The Lord knowith the thouytis of men; that tho ben veyne.
He sheweth the blessedness of affliction.
Psalms 94:12 Blessid is the man, whom thou, Lord, hast lerned; and hast tauyt him of thi lawe. Psalms 94:13 That thou aswage hym fro yuele daies; til a diche be diggid to the synner. Psalms 94:14 For the Lord schal not putte awei his puple; and he schal not forsake his eritage. Psalms 94:15 Til riytfulnesse be turned in to dom; and who ben niy it, alle that ben of riytful herte.
God is the defender of the afflicted.
Psalms 94:16 Who schal rise with me ayens mysdoeris; ether who schal stonde with me ayens hem that worchen wickidnesse? Psalms 94:17 No but for the Lord helpide me; almest my soule hadde dwellid in helle. Psalms 94:18 If Y seide, My foot was stirid; Lord, thi merci helpide me. Psalms 94:19 Aftir the multitude of my sorewis in myn herte; thi coumfortis maden glad my soule. Psalms 94:20 Whether the seete of wickidnesse cleueth to thee; that makist trauel in comaundement? Psalms 94:21 Thei schulen take ayens the soule of a iust man; and thei schulen condempne innocent blood. Psalms 94:22 And the Lord was maad to me in to refuyt; and my God was maad in to the help of myn hope. Psalms 94:23 And he schal yelde to hem the wickidnesse of hem; and in the malice of hem he schal lese hem, oure Lord God schal lese hem.
|
