Psalms 93
The majesty, power, and holiness of Christ's Kingdom.
Psalms 93:1 {The two and nyntithe salm.} The Lord hath regned, he is clothid with fairnesse; the Lord is clothid with strengthe, and hath gird hym silf. For he made stidefast the world; that schal not be moued. Psalms 93:2 God, thi seete was maad redi fro that tyme; thou art fro the world. Psalms 93:3 Lord, the flodis han reisid; the flodis han reisid her vois. Flodis reisiden her wawis; of the voicis of many watris. Psalms 93:4 The reisyngis of the see ben wondurful; the Lord is wondurful in hiye thingis. Psalms 93:5 Thi witnessingis ben maad able to be bileued greetli; Lord, holynesse bicometh thin hous, in to the lengthe of daies.
|
