Wycliffe Bible

Psalms 90

Moses, setting forth God's providence,

Psalms 90:1 {The title of the nyne and eiytetithe salm. The preier of Moises, the man of God.} Lord, thou art maad help to vs; fro generacioun in to generacioun. Psalms 90:2 Bifore that hillis weren maad, ether the erthe and the world was formed; fro the world and in to the world thou art God.

complaineth of human frailty,

Psalms 90:3 Turne thou not awei a man in to lownesse; and thou seidist, Ye sones of men, be conuertid. Psalms 90:4 For a thousynde yeer ben bifore thin iyen; as yistirdai, which is passid, and as keping in the niyt. Psalms 90:5 The yeeris of hem schulen be; that ben had for nouyt. Psalms 90:6 Eerli passe he, as an eerbe, eerli florische he, and passe; in the euentid falle he doun, be he hard, and wexe drie.

divine chastisements,

Psalms 90:7 For we han failid in thin ire; and we ben disturblid in thi strong veniaunce. Psalms 90:8 Thou hast set oure wickidnessis in thi siyt; oure world in the liytning of thi cheer. Psalms 90:9 For alle oure daies han failid; and we han failid in thin ire. Oure yeris schulen bithenke, as an yreyn;

and brevity of life.

Psalms 90:10 the daies of oure yeeris ben in tho seuenti yeeris. Forsothe, if fourescoor yeer ben in myyti men; and the more tyme of hem is trauel and sorewe. For myldenesse cam aboue; and we schulen be chastisid. Psalms 90:11 Who knew the power of thin ire; and durste noumbre thin ire for thi drede?

He prayeth for the knowledge and sensible experience of God's good providence.

Psalms 90:12 Make thi riythond so knowun; and make men lerned in herte bi wisdom. Psalms 90:13 Lord, be thou conuertid sumdeel; and be thou able to be preied on thi seruauntis. Psalms 90:14 We weren fillid eerli with thi merci; we maden ful out ioye, and we delitiden in alle oure daies. Psalms 90:15 We weren glad for the daies in whiche thou madist vs meke; for the yeeris in whiche we siyen yuels. Psalms 90:16 Lord, biholde thou into thi seruauntis, and in to thi werkis; and dresse thou the sones of hem. Psalms 90:17 And the schynyng of oure Lord God be on vs; and dresse thou the werkis of oure hondis on vs, and dresse thou the werk of oure hondis.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook