Wycliffe Bible

Psalms 9

David praiseth God for executing of judgment.

Psalms 9:1 {The title of the nynthe salm. In to the ende, for the pryuytees of the sone, the salm of Dauid.} Lord, Y schal knouleche to thee in al myn herte; Y schal telle alle thi merueils. Psalms 9:2 Thou hiyeste, Y schal be glad, and Y schal be fulli ioieful in thee; Y schal synge to thi name. Psalms 9:3 For thou turnest myn enemy abac; thei schulen be maad feble, and schulen perische fro thi face. Psalms 9:4 For thou hast maad my doom and my cause; thou, that demest riytfulnesse, hast set on the trone. Psalms 9:5 Thou blamedist hethene men, and the wickid perischide; thou hast do awei the name of hem in to the world, and in to the world of world. Psalms 9:6 The swerdis of the enemy failiden in to the ende; and thou hast distried the citees of hem. The mynde of hem perischide with sown; Psalms 9:7 and the Lord dwellith with outen ende. He made redi his trone in doom; Psalms 9:8 and he schal deme the world in equite, he schal deme puplis in riytfulnesse. Psalms 9:9 And the Lord is maad refuyt, ether help, to a pore man; an helpere in couenable tymes in tribulacioun. Psalms 9:10 And thei, that knowen thi name, haue hope in thee; for thou, Lord, hast not forsake hem that seken thee.

He inciteth others to praise him.

Psalms 9:11 Synge ye to the Lord, that dwellith in Syon; telle ye hise studyes among hethene men. Psalms 9:12 God foryetith not the cry of pore men; for he hath mynde, and sekith the blood of hem.

He prayeth that he may have cause to praise him.

Psalms 9:13 Lord, haue thou merci on me; se thou my mekenesse of myn enemyes. Psalms 9:14 Which enhaunsist me fro the yatis of deeth; that Y telle alle thi preisyngis in the yatis of the douyter of Syon. Psalms 9:15 Y schal be fulli ioyeful in thin helthe; hethene men ben fast set in the perisching, which thei maden. In this snare, which thei hidden, the foot of hem is kauyt. Psalms 9:16 The Lord makynge domes schal be knowun; the synnere is takun in the werkis of hise hondis. Psalms 9:17 Synneris be turned togidere in to helle; alle folkis, that foryeten God. Psalms 9:18 For the foryetyng of a pore man schal not be in to the ende; the pacience of pore men schal not perische in to the ende. Psalms 9:19 Lord, rise thou vp, a man be not coumfortid; folkis be demyd in thi siyt. Psalms 9:20 Lord, ordeine thou a lawe makere on hem; wite folkis, that thei ben men.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook