Wycliffe Bible

Psalms 88

A prayer containing a grievous complaint.

Psalms 88:1 {The title of the seuene and eiytetithe salm. The song of salm, to the sones of Chore, to victorie on Mahalat, for to answere, the lernyng of Heman Ezraite.} Lord God of myn helthe; Y criede in dai and nyyt bifore thee. Psalms 88:2 Mi preier entre bifore thi siyt; bowe doun thin eere to my preier. Psalms 88:3 For my soule is fillid with yuels; and my lijf neiyede to helle. Psalms 88:4 I am gessid with hem that goon doun in to the lake; Y am maad as a man with outen help, Psalms 88:5 and fre among deed men. As men woundid slepinge in sepulcris, of whiche men noon is myndeful aftir; and thei ben put awei fro thin hond. Psalms 88:6 Thei han put me in the lower lake; in derke places, and in the schadewe of deth. Psalms 88:7 Thi strong veniaunce is confermed on me; and thou hast brouyt in alle thi wawis on me. Psalms 88:8 Thou hast maad fer fro me my knowun; thei han set me abhomynacioun to hem silf. I am takun, and Y yede not out; Psalms 88:9 myn iyen weren sijk for pouert. Lord, Y criede to thee; al dai Y spredde abrood myn hondis to thee. Psalms 88:10 Whethir thou schalt do merueils to deed men; ether leechis schulen reise, and thei schulen knouleche to thee? Psalms 88:11 Whether ony man in sepulcre schal telle thi merci; and thi treuthe in perdicioun? Psalms 88:12 Whether thi merueilis schulen be knowun in derknessis; and thi riytfulnesse in the lond of foryetyng? Psalms 88:13 And, Lord, Y criede to thee; and erli my preier schal bifor come to thee. Psalms 88:14 Lord, whi puttist thou awei my preier; turnest awei thi face fro me? Psalms 88:15 I am pore, and in traueils fro my yongthe; sotheli Y am enhaunsid, and Y am maad low, and disturblid. Psalms 88:16 Thi wraththis passiden on me; and thi dredis disturbliden me. Psalms 88:17 Thei cumpassiden me as watir al dai; thei cumpassiden me togidere. Psalms 88:18 Thou madist fer fro me a frend and neiybore; and my knowun fro wretchidnesse.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook