Wycliffe Bible

Psalms 83

A complaint to God of the enemies' conspiracies.

Psalms 83:1 {The title of the two and eiytetithe salm. The song of the salm of Asaph.} God, who schal be lijk thee? God, be thou not stille, nether be thou peesid. Psalms 83:2 For lo! thin enemyes sowneden; and thei that haten thee reisiden the heed. Psalms 83:3 Thei maden a wickid counsel on thi puple; and thei thouyten ayens thi seyntis. Psalms 83:4 Thei seiden, Come ye, and leese we hem fro the folk; and the name of Israel be no more hadde in mynde. Psalms 83:5 For thei thouyten with oon acord; Psalms 83:6 the tabernaclis of Ydumeys, and men of Ismael disposiden a testament togidere ayens thee. Moab, and Agarenus, Psalms 83:7 Jebal, and Amon, and Amalech; alienys with hem that dwellen in Tyre. Psalms 83:8 For Assur cometh with hem; thei ben maad in to help to the sones of Loth.

A prayer against them that oppress the Church.

Psalms 83:9 Make thou to hem as to Madian, and Sisara; as to Jabyn in the stronde of Sison. Psalms 83:10 Thei perischiden in Endor; thei weren maad as a toord of erthe. Psalms 83:11 Putte thou the prynces of hem as Oreb and Zeb; and Zebee and Salmana. Alle the princis of hem, Psalms 83:12 that seiden; Holde we bi eritage the seyntuarie of God. Psalms 83:13 My God, putte thou hem as a whele; and as stobil bifor the face of the wynde. Psalms 83:14 As fier that brenneth a wode; and as flawme brynnynge hillis. Psalms 83:15 So thou schalt pursue hem in thi tempeste; and thou schalt disturble hem in thin ire. Psalms 83:16 Lord, fille thou the faces of hem with schenschipe; and thei schulen seke thi name. Psalms 83:17 Be thei aschamed, and be thei disturblid in to world of world; and be thei schent and perische thei. Psalms 83:18 And knowe thei, that the Lord is name to thee; thou aloone art the hiyeste in ech lond.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook