Psalms 76
A declaration of God's majesty in the Church.
Psalms 76:1 {The title of the fyue and seuentithe salm. To the victorie in orguns, the salm of the song of Asaph.} God is knowun in Judee; his name is greet in Israel. Psalms 76:2 And his place is maad in pees; and his dwellyng is in Syon. Psalms 76:3 Ther he brak poweris; bowe, scheeld, swerd, and batel. Psalms 76:4 And thou, God, liytnest wondirfuli fro euerlastynge hillis; Psalms 76:5 alle vnwise men of herte weren troblid. Thei slepten her sleep; and alle men founden no thing of richessis in her hondis. Psalms 76:6 Thei that stieden on horsis; slepten for thi blamyng, thou God of Jacob. Psalms 76:7 Thou art feerful, and who schal ayenstonde thee? fro that tyme thin ire. Psalms 76:8 Fro heuene thou madist doom herd; the erthe tremblide, and restide. Psalms 76:9 Whanne God roos vp in to doom; to make saaf al the mylde men of erthe. Psalms 76:10 For the thouyt of man schal knouleche to thee; and the relifs of thouyt schulen make a feeste dai to thee.
An exhortation to serve him reverently.
Psalms 76:11 Make ye a vow, and yelde ye to youre Lord God; alle that bringen yiftis in the cumpas of it. Psalms 76:12 To God ferdful, and to him that takith awei the spirit of prynces; to the ferdful at the kyngis of erthe.
|
