Psalms 75
The prophet praiseth God.
Psalms 75:1 {The title of the foure and seuentithe salm. To the ouercomere; leese thou not the salm of the song of Asaph.} God, we schulen knouleche to thee, we schulen knouleche; and we schulen inwardli clepe thi name.
He promiseth to judge uprightly.
Psalms 75:2 We schulen telle thi merueilis; whanne Y schal take tyme, Y schal deme riytfulnesses. Psalms 75:3 The erthe is meltid, and alle that duellen ther ynne; Y confermede the pileris therof.
He rebuketh the proud by consideration of God's providence.
Psalms 75:4 I seide to wickid men, Nyle ye do wickidli; and to trespassouris, Nyle ye enhaunce the horn. Psalms 75:5 Nyle ye reise an hiy youre horn; nyle ye speke wickidnesse ayens God. Psalms 75:6 For nether fro the eest, nethir fro the west, nethir fro desert hillis; Psalms 75:7 for God is the iuge. He mekith this man, and enhaunsith hym; Psalms 75:8 for a cuppe of cleene wyn ful of meddling is in the hoond of the Lord. And he bowide of this in to that; netheles the drast therof is not anyntischid; alle synneris of erthe schulen drinke therof.
He praiseth God, and promiseth to execute justice.
Psalms 75:9 Forsothe Y schal telle in to the world; Y schal synge to God of Jacob. Psalms 75:10 And Y schal breke alle the hornes of synneris; and the hornes of the iust man schulen be enhaunsid.
| 
