Wycliffe Bible

Psalms 74

The prophet complaineth of the desolation of the sanctuary.

Psalms 74:1 {The title of the thre and seuentithe salm. The lernyng of Asaph.} God, whi hast thou put awei in to the ende; thi strong veniaunce is wrooth on the scheep of thi leesewe? Psalms 74:2 Be thou myndeful of thi gadering togidere; which thou haddist in possessioun fro the bigynnyng. Thou ayenbouytist the yerde of thin eritage; the hille of Syon in which thou dwellidist ther ynne. Psalms 74:3 Reise thin hondis in to the prides of hem; hou grete thingis the enemy dide wickidli in the hooli. Psalms 74:4 And thei that hatiden thee; hadden glorie in the myddis of thi solempnete. Psalms 74:5 Thei settiden her signes, ethir baneris, signes on the hiyeste, as in the outgoing; and thei knewen not. Psalms 74:6 As in a wode of trees thei heweden doun with axis the yatis therof in to it silf; thei castiden doun it with an ax, and a brood fallinge ax. Psalms 74:7 Thei brenten with fier thi seyntuarie; thei defouliden the tabernacle of thi name in erthe. Psalms 74:8 The kynrede of hem seiden togidere in her herte; Make we alle the feest daies of God to ceesse fro the erthe. Psalms 74:9 We han not seyn oure signes, now no profete is; and he schal no more knowe vs.

He moveth God to help in consideration of his power,

Psalms 74:10 God, hou long schal the enemye seie dispit? the aduersarie territh to ire thi name in to the ende. Psalms 74:11 Whi turnest thou awei thin hoond, and to drawe out thi riythond fro the myddis of thi bosum, til in to the ende? Psalms 74:12 Forsothe God oure kyng bifore worldis; wrouyte heelthe in the mydis of erthe. Psalms 74:13 Thou madist sad the see bi thi vertu; thou hast troblid the heedis of dragouns in watris. Psalms 74:14 Thou hast broke the heedis of the dragoun; thou hast youe hym to mete to the puplis of Ethiopiens. Psalms 74:15 Thou hast broke wellis, and strondis; thou madist drie the flodis of Ethan. Psalms 74:16 The dai is thin, and the niyt is thin; thou madist the moreutid and the sunne. Psalms 74:17 Thou madist alle the endis of erthe; somer and veer tyme, thou fourmedist tho.

of his reproachful enemies, of his children, and of his Covenant.

Psalms 74:18 Be thou myndeful of this thing, the enemye hath seid schenschip to the Lord; and the vnwijs puple hath excitid to ire thi name. Psalms 74:19 Bitake thou not to beestis men knoulechenge to thee; and foryete thou not in to the ende the soulis of thi pore men. Psalms 74:20 Biholde in to thi testament; for thei that ben maad derk of erthe, ben fillid with the housis of wickidnessis. Psalms 74:21 A meke man be not turned awei maad aschamed; a pore man and nedi schulen herie thi name. Psalms 74:22 God, rise vp, deme thou thi cause; be thou myndeful of thin vpbreidyngis, of tho that ben al dai of the vnwise man. Psalms 74:23 Foryete thou not the voices of thin enemyes; the pride of hem that haten thee, stieth euere.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook