Wycliffe Bible

Psalms 71

David, in confidence of faith, and experience of God's favour, prayeth both for himself, and against the enemies of his soul.

Psalms 71:1 {The seuentithe salm hath no title.} Lord, Y hopide in thee, be Y not schent with outen ende; Psalms 71:2 in thi riytwisnesse delyuere thou me, and rauysche me out. Bowe doun thin eere to me; and make me saaf. Psalms 71:3 Be thou to me in to God a defendere; and in to a strengthid place, that thou make me saaf. For thou art my stidefastnesse; and my refuit. Psalms 71:4 My God, delyuere thou me fro the hoond of the synner; and fro the hoond of a man doynge ayens the lawe, and of the wickid man. Psalms 71:5 For thou, Lord, art my pacience; Lord, thou art myn hope fro my yongthe. Psalms 71:6 In thee Y am confermyd fro the wombe; thou art my defendere fro the wombe of my modir. Psalms 71:7 My syngyng is euere in thee; Y am maad as a greet wonder to many men; and thou art a strong helpere. Psalms 71:8 My mouth be fillid with heriyng; that Y synge thi glorie, al dai thi greetnesse. Psalms 71:9 Caste thou not awei me in the tyme of eldnesse; whanne my vertu failith, forsake thou not me. Psalms 71:10 For myn enemyes seiden of me; and thei that kepten my lijf maden counsel togidere. Psalms 71:11 Seiynge, God hath forsake hym; pursue ye, and take hym; for noon is that schal delyuere. Psalms 71:12 God, be thou not maad afer fro me; my God, biholde thou in to myn help. Psalms 71:13 Men that bacbiten my soule, be schent, and faile thei; and be thei hilid with schenschip and schame, that seken yuels to me.

He promiseth constancy.

Psalms 71:14 But Y schal hope euere; and Y schal adde euere ouer al thi preising. Psalms 71:15 Mi mouth schal telle thi riytfulnesse; al dai thin helthe. For Y knewe not lettrure, Psalms 71:16 Y schal entre in to the poweres of the Lord; Lord, Y schal bithenke on thi riytfulnesse aloone.

He prayeth for perserverance.

Psalms 71:17 God, thou hast tauyt me fro my yongthe, and til to now; Y schal telle out thi merueilis. Psalms 71:18 And til in to the eldnesse and the laste age; God, forsake thou not me. Til Y telle thin arm; to eche generacioun, that schal come. Til Y telle thi myyt,

He praiseth God, and promiseth to do it cheerfully.

Psalms 71:19 and thi riytfulnesse, God, til in to the hiyeste grete dedis which thou hast do; God, who is lijk thee? Psalms 71:20 Hou grete tribulaciouns many and yuele hast thou schewid to me; and thou conuertid hast quykenyd me, and hast eft brouyt me ayen fro the depthis of erthe. Psalms 71:21 Thou hast multiplied thi greet doyng; and thou conuertid hast coumfortid me. Psalms 71:22 For whi and Y schal knowleche to thee, thou God, thi treuthe in the instrumentis of salm; Y schal synge in an harpe to thee, that art the hooli of Israel. Psalms 71:23 Mi lippis schulen make fulli ioye, whanne Y schal synge to thee; and my soule, which thou ayen bouytist. Psalms 71:24 But and my tunge schal thenke al dai on thi riytfulnesse; whanne thei schulen be schent and aschamed, that seken yuelis to me.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook