Wycliffe Bible

Psalms 7

David prayeth against the malice of his enemies, professing his innocency.

Psalms 7:1 {The title of the seuenthe salm. For the ignoraunce of Dauid, which he songe to the Lord on the wordis of Ethiopien, the sone of Gemyny.} Mi Lord God, Y haue hopid in thee; make thou me saaf fro alle that pursuen me, and delyuere thou me. Psalms 7:2 Lest ony tyme he as a lioun rauysche my soule; the while noon is that ayenbieth, nether that makith saaf. Psalms 7:3 Mi Lord God, if Y dide this thing, if wickidnesse is in myn hondis; Psalms 7:4 if Y yeldide to men yeldynge to me yuels, falle Y bi disseruyng voide fro myn enemyes; Psalms 7:5 myn enemy pursue my soule, and take, and defoule my lijf in erthe; and brynge my glorie in to dust. Psalms 7:6 Lord, rise thou vp in thin ire; and be thou reysid in the coostis of myn enemyes. Psalms 7:7 And, my Lord God, rise thou in the comaundement, which thou hast comaundid; and the synagoge of puplis schal cumpasse thee. Psalms 7:8 And for this go thou ayen an hiy; the Lord demeth puplis. Lord, deme thou me bi my riytfulnesse; and bi myn innocence on me. Psalms 7:9 The wickidnesse of synneris be endid; and thou, God, sekyng the hertis and reynes, schalt dresse a iust man.

By faith he seeth his defence, and the destruction of his enemies.

Psalms 7:10 Mi iust help is of the Lord; that makith saaf riytful men in herte. Psalms 7:11 The Lord is a iust iuge, stronge and pacient; whether he is wrooth bi alle daies? Psalms 7:12 If ye ben not conuertid, he schal florische his swerd; he hath bent his bouwe, and made it redi. Psalms 7:13 And therynne he hath maad redi the vessels of deth; he hath fulli maad his arewis with brennynge thingis. Psalms 7:14 Lo! he conseyuede sorewe; he peynfuli brouyte forth vnriytfulnesse, and childide wickidnesse. Psalms 7:15 He openide a lake, and diggide it out; and he felde in to the dich which he made. Psalms 7:16 His sorewe schal be turned in to his heed; and his wickidnesse schal come doun in to his necke. Psalms 7:17 I schal knouleche to the Lord bi his riytfulnesse; and Y schal synge to the name of the hiyeste Lord.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook