Wycliffe Bible

Psalms 69

David complaineth of his affliction.

Psalms 69:1 {The title of the eiyte and sixtithe salm. In Ebreu thus, To the victorie, on the roosis of Dauid. In Jerom thus, To the ouercomer, for the sones of Dauid.} God, make thou me saaf; for watris entriden til to my soule. Psalms 69:2 I am set in the sliym of the depthe; and substaunce is not. I cam in to the depthe of the see; and the tempest drenchide me. Psalms 69:3 I traueilide criynge, my cheekis weren maad hoose; myn iyen failiden, the while Y hope in to my God. Psalms 69:4 Thei that hatiden me with out cause; weren multiplied aboue the heeris of myn heed. Myn enemyes that pursueden me vniustli weren coumfortid; Y paiede thanne tho thingis, whiche Y rauischide not. Psalms 69:5 God, thou knowist myn vnkunnyng; and my trespassis ben not hid fro thee. Psalms 69:6 Lord, Lord of vertues; thei, that abiden thee, be not aschamed in me. God of Israel; thei, that seken thee, be not schent on me. Psalms 69:7 For Y suffride schenschipe for thee; schame hilide my face. Psalms 69:8 I am maad a straunger to my britheren; and a pilgryme to the sones of my modir. Psalms 69:9 For the feruent loue of thin hous eet me; and the schenschipis of men seiynge schenschipis to thee fellen on me. Psalms 69:10 And Y hilide my soule with fastyng; and it was maad in to schenschip to me. Psalms 69:11 And Y puttide my cloth an heire; and Y am maad to hem in to a parable. Psalms 69:12 Thei, that saten in the yate, spaken ayens me; and thei, that drunken wien, sungen of me.

He prayeth for deliverance.

Psalms 69:13 But Lord, Y dresse my preier to thee; God, Y abide the tyme of good plesaunce. Here thou me in the multitude of thi mercy; in the treuthe of thin heelthe. Psalms 69:14 Delyuer thou me fro the cley, that Y be not faste set in; delyuere thou me fro hem that haten me, and fro depthe of watris. Psalms 69:15 The tempest of watir drenche not me, nethir the depthe swolowe me; nethir the pit make streit his mouth on me. Psalms 69:16 Lord, here thou me, for thi merci is benygne; vp the multitude of thi merciful doyngis biholde thou in to me. Psalms 69:17 And turne not awei thi face fro thi child; for Y am in tribulacioun, here thou me swiftli. Psalms 69:18 Yyue thou tente to my soule, and delyuer thou it; for myn enemyes delyuere thou me. Psalms 69:19 Thou knowist my schenschip, and my dispysyng; and my schame. Psalms 69:20 Alle that troblen me ben in thi siyt; myn herte abood schendschipe, and wretchidnesse. And Y abood hym, that was sory togidere, and noon was; and that schulde coumforte, and Y foond not. Psalms 69:21 And thei yauen galle in to my meete; and in my thirst thei yauen to me drinke with vynegre.

He denoteth his enemies with destruction.

Psalms 69:22 The boord of hem be maad bifore hem in to a snare; and in to yeldyngis, and in to sclaundir. Psalms 69:23 Her iyen be maad derk, that thei se not; and euere bouwe doun the bak of hem. Psalms 69:24 Schede out thin ire on hem; and the strong veniaunce of thin ire take hem. Psalms 69:25 The habitacioun of hem be maad forsakun; and noon be that dwelle in the tabernaclis of hem. Psalms 69:26 For thei pursueden hym, whom thou hast smyte; and thei addiden on the sorewe of my woundis. Psalms 69:27 Adde thou wickidnesse on the wickidnesse of hem; and entre thei not in to thi riytwisnesse. Psalms 69:28 Be thei don awei fro the book of lyuynge men; and be thei not writun with iust men. Psalms 69:29 I am pore and sorewful; God, thin heelthe took me vp.

He praiseth God with thanksgiving.

Psalms 69:30 I schal herye the name of God with song; and Y schal magnefye hym in heriyng. Psalms 69:31 And it schal plese God more than a newe calf; bryngynge forth hornes and clees. Psalms 69:32 Pore men se, and be glad; seke ye God, and youre soule schal lyue. Psalms 69:33 For the Lord herde pore men; and dispiside not hise boundun men. Psalms 69:34 Heuenes and erthe, herye hym; the se, and alle crepynge bestis in tho, herye hym. Psalms 69:35 For God schal make saaf Syon; and the citees of Juda schulen be bildid. And thei schulen dwelle there; and thei schulen gete it bi eritage. Psalms 69:36 And the seed of hise seruauntis schal haue it in possessioun; and thei that louen his name, schulen dwelle ther ynne.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook