Wycliffe Bible

Psalms 66

David exhorteth to praise God,

Psalms 66:1 {The titil of the fyue and sixtithe salm. To the victorie, the song of salm.} Al the erthe, make ye ioie hertli to God, Psalms 66:2 seie ye salm to his name; yyue ye glorie to his heriyng. Psalms 66:3 Seie ye to God, Lord, thi werkis ben dredeful; in the multitude of thi vertu thin enemyes schulen lie to thee. Psalms 66:4 God, al the erthe worschipe thee, and synge to thee; seie it salm to thi name.

to observe his great works,

Psalms 66:5 Come ye and se ye the werkis of God; ferdful in counseils on the sones of men. Psalms 66:6 Which turnede the see in to drie lond; in the flood thei schulen passe with foot, there we schulen be glad in hym. Psalms 66:7 Which is Lord in his vertu withouten ende, hise iyen biholden on folkis; thei that maken scharp be not enhaunsid in hem silf.

to bless him for his gracious benefits.

Psalms 66:8 Ye hethen men, blesse oure God; and make ye herd the vois of his preising. Psalms 66:9 That hath set my soule to lijf, and yaf not my feet in to stiryng. Psalms 66:10 For thou, God, hast preued vs; thou hast examyned vs bi fier, as siluer is examyned. Psalms 66:11 Thou leddist vs in to a snare, thou puttidist tribulaciouns in oure bak;

He voweth for himself religious service to God.

Psalms 66:12 thou settidist men on oure heedis. We passiden bi fier and water; and thou leddist vs out in to refreschyng. Psalms 66:13 I schal entre in to thin hous in brent sacrifices; Y schal yelde to thee my vowis, Psalms 66:14 which my lippis spaken distinctly. And my mouth spake in my tribulacioun; Psalms 66:15 Y shal offre to thee brent sacrificis ful of merowy, with the brennyng of rammes; Y schal offre to thee oxis with buckis of geet.

He declareth God's special goodness to himself.

Psalms 66:16 Alle ye that dreden God, come and here, and Y schal telle; hou grete thingis he hath do to my soule. Psalms 66:17 I criede to hym with my mouth; and Y ioyede fulli vndir my tunge. Psalms 66:18 If Y bihelde wickidnesse in myn herte; the Lord schal not here. Psalms 66:19 Therfor God herde; and perseyuede the vois of my bisechyng. Psalms 66:20 Blessid be God; that remeued not my preyer, and took not awei his merci fro me.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook