Wycliffe Bible

Psalms 65

David praiseth God for his grace.

Psalms 65:1 {The titil of the foure and sixtithe salm. To victorie, the salm of the song of Dauid.} God, heriyng bicometh thee in Syon; and a vow schal be yolden to thee in Jerusalem. Psalms 65:2 Here thou my preier; ech man schal come to thee. Psalms 65:3 The wordis of wickid men hadden the maistrye ouer vs; and thou schalt do merci to oure wickidnessis.

The blessedness of God's chosen by reason of benefits.

Psalms 65:4 Blessid is he, whom thou hast chose, and hast take; he schal dwelle in thin hallis. We schulen be fillid with the goodis of thin hous; Psalms 65:5 thi temple is hooli, wondurful in equite. God, oure heelthe, here thou vs; thou art hope of alle coostis of erthe, and in the see afer. Psalms 65:6 And thou makest redi hillis in thi vertu, and art gird with power; Psalms 65:7 which disturblist the depthe of the see, the soun of the wawis therof. Psalms 65:8 Folkis schulen be disturblid, and thei that dwellen in the endis schulen drede of thi signes; thou schalt delite the outgoingis of the morewtid and euentid. Psalms 65:9 Thou hast visitid the lond, and hast greetli fillid it; thou hast multiplied to make it riche. The flood of God was fillid with watris; thou madist redi the mete of hem, for the makyng redi therof is so. Psalms 65:10 Thou fillynge greetli the stremes therof, multiplie the fruytis therof; the lond bringinge forth fruytis schal be glad in goteris of it. Psalms 65:11 Thou schalt blesse the coroun of the yeer of thi good wille; and thi feeldis schulen be fillid with plentee of fruytis. Psalms 65:12 The feire thingis of desert schulen wexe fatte; and litle hillis schulen be cumpassid with ful out ioiyng. Psalms 65:13 The wetheris of scheep ben clothid, and valeis schulen be plenteuouse of wheete; thei schulen crye, and sotheli thei schulen seye salm.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook