Wycliffe Bible

Psalms 56

David, praying to God in confidence of his Word, complaineth of his enemies.

Psalms 56:1 {The title of the fyue and fiftithe salm. In Ebreu thus, To the ouercomyng on the doumb culuer of fer drawing awei, the comely song of Dauid, whanne Filisteis helden hym in Geth. In Jeroms translacioun thus, To the ouercomer for the doumb culuer, for it yede awei fer. Dauid meke and symple made this salm, whanne Palesteyns helden hym in Geth.} God, haue thou merci on me, for a man hath defoulid me; al dai he impugnyde, and troublide me. Psalms 56:2 Myn enemyes defouliden me al dai; for manye fiyteris weren ayens me. Psalms 56:3 Of the hiynesse of dai Y schal drede; but God Y schal hope in thee. Psalms 56:4 In God Y schal preise my wordis; Y hopide in God, Y schal not drede what thing fleisch schal do to me. Psalms 56:5 Al dai thei cursiden my wordis; ayens me alle her thouytis weren in to yuel. Psalms 56:6 Thei schulen dwelle, and schulen hide; thei schulen aspie myn heele. Psalms 56:7 As thei abiden my lijf, for nouyt schalt thou make hem saaf; in ire thou schalt breke togidre puplis. Psalms 56:8 God, Y schewide my lijf to thee; thou hast set my teeris in thi siyt. As and in thi biheest, Lord;

He professeth his confidence in God's Word, and promiseth to praise him.

Psalms 56:9 thanne myn enemyes schulen be turned abak. In what euere dai Y schal inwardli clepe thee; lo! Y haue knowe, that thou art my God. Psalms 56:10 In God Y schal preise a word; in the Lord Y schal preyse a word. Psalms 56:11 Y schal hope in God; Y schal not drede what thing a man schal do to me. Psalms 56:12 God, thin auowis ben in me; whiche Y schal yelde heriyngis to thee. Psalms 56:13 For thou hast delyuerid my lijf fro deth, and my feet fro slidyng; that Y pleese bifore God in the liyt of hem that lyuen.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook