Wycliffe Bible

Psalms 51

David prayeth for remission of sins, whereof he maketh a deep confession.

Psalms 51:1 {The title of the fiftithe salm. To victorie, the salm of Dauid;} whanne Nathan the prophete cam to hym, whanne he entride to Bersabee. God, haue thou merci on me; bi thi greet merci. And bi the mychilnesse of thi merciful doyngis; do thou awei my wickidnesse. Psalms 51:2 More waische thou me fro my wickidnesse; and clense thou me fro my synne. Psalms 51:3 For Y knouleche my wickidnesse; and my synne is euere ayens me. Psalms 51:4 I haue synned to thee aloone, and Y haue do yuel bifor thee; that thou be iustified in thi wordis, and ouercome whanne thou art demed. For lo! Psalms 51:5 Y was conseyued in wickednessis; and my modir conceyuede me in synnes.

He prayeth for sanctification.

Psalms 51:6 For lo! thou louedist treuthe; thou hast schewid to me the vncerteyn thingis, and pryuy thingis of thi wisdom. Psalms 51:7 Lord, sprenge thou me with ysope, and Y schal be clensid; waische thou me, and Y schal be maad whijt more than snow. Psalms 51:8 Yyue thou ioie, and gladnesse to myn heryng; and boonys maad meke schulen ful out make ioye. Psalms 51:9 Turne awei thi face fro my synnes; and do awei alle my wickidnesses. Psalms 51:10 God, make thou a clene herte in me; and make thou newe a riytful spirit in my entrailis. Psalms 51:11 Caste thou me not awei fro thi face; and take thou not awei fro me thin hooli spirit. Psalms 51:12 Yiue thou to me the gladnesse of thyn helthe; and conferme thou me with the principal spirit. Psalms 51:13 I schal teche wickid men thi weies; and vnfeithful men schulen be conuertid to thee. Psalms 51:14 God, the God of myn helthe, delyuere thou me fro bloodis; and my tunge schal ioyfuli synge thi riytfulnesse. Psalms 51:15 Lord, opene thou my lippis; and my mouth schal telle thi preysyng.

God delighteth not in sacrifice, but in sincerity.

Psalms 51:16 For if thou haddist wold sacrifice, Y hadde youe; treuli thou schalt not delite in brent sacrifices. Psalms 51:17 A sacrifice to God is a spirit troblid; God, thou schalt not dispise a contrit herte and maad meke.

He prayeth for the Church.

Psalms 51:18 Lord, do thou benygneli in thi good wille to Syon; that the wallis of Jerusalem be bildid. Psalms 51:19 Thanne thou schalt take plesauntli the sacrifice of riytfulnesse, offryngis, and brent sacrifices; thanne thei schulen putte calues on thin auter.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook