Wycliffe Bible

Psalms 49

An earnest persuasion to build the faith of resurrection, not on worldly power, but on God.

Psalms 49:1 {The title of the eiyte and fourtithe salm. To victorie, a salm to the sones of Chore.} Alle ye folkis, here these thingis; alle ye that dwellen in the world, perseyue with eeris. Psalms 49:2 Alle the sones of erthe and the sones of men; togidere the riche man and the pore in to oon. Psalms 49:3 Mi mouth schal speke wisdom; and the thenkyng of myn herte schal speke prudence. Psalms 49:4 I schal bouwe doun myn eere in to a parable; Y schal opene my resoun set forth in a sautree. Psalms 49:5 Whi schal Y drede in the yuel dai? the wickidnesse of myn heele schal cumpasse me. Psalms 49:6 Whiche tristen in her owne vertu; and han glorie in the multitude of her richessis. Psalms 49:7 A brother ayenbieth not, schal a man ayenbie? and he schal not yyue to God his plesyng. Psalms 49:8 And he schal not yyue the prijs of raunsum of his soule; and he schal trauele with outen ende, Psalms 49:9 and he schal lyue yit in to the ende. He schal not se perischyng, Psalms 49:10 whanne he schal se wise men diynge; the vnwise man and fool schulen perische togidere. And thei schulen leeue her richessis to aliens; Psalms 49:11 and the sepulcris of hem ben the housis of hem with outen ende. The tabernaclis of hem ben in generacioun and generacioun; thei clepiden her names in her londis. Psalms 49:12 A man, whanne he was in honour, vndurstood not; he is comparisound to vnwise beestis, and he is maad lijk to tho. Psalms 49:13 This weie of hem is sclaundir to hem; and aftirward thei schulen plese togidere in her mouth. Psalms 49:14 As scheep thei ben set in helle; deth schal gnawe hem. And iust men schulen be lordis of hem in the morewtid; and the helpe of hem schal wexe eld in helle, for the glorie of hem. Psalms 49:15 Netheles God schal ayenbie my soule from the power of helle; whanne he schal take me.

Worldly prosperity is not to be admired.

Psalms 49:16 Drede thou not, whanne a man is maad riche; and the glorie of his hows is multiplied. Psalms 49:17 For whanne he schal die, he schal not take alle thingis; and his glorie schal not go doun with him. Psalms 49:18 For his soule schal be blessid in his lijf; he schal knouleche to thee, whanne thou hast do wel to hym. Psalms 49:19 He schal entre til in to the generaciouns of hise fadris; and til in to with outen ende he schal not se liyt. Psalms 49:20 A man, whanne he was in honour, vndurstood not; he is comparisound to vnwise beestis, and is maad lijk to tho.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook