Wycliffe Bible

Psalms 48

The ornaments and privileges of the Church.

Psalms 48:1 {The title of the seuene and fourtithe salm. The song of salm, of the sones of Chore.} The Lord is greet, and worthi to be preisid ful myche; in the citee of oure God, in the hooli hil of hym. Psalms 48:2 It is foundid in the ful out ioiyng of al erthe; the hil of Syon; the sidis of the north, the citee of the greet kyng. Psalms 48:3 God schal be knowun in the housis therof; whanne he schal take it. Psalms 48:4 For lo! the kyngis of erthe weren gaderid togidere; thei camen into o place. Psalms 48:5 Thei seynge so wondriden; thei weren disturblid, thei weren mouyd togidere, Psalms 48:6 tremblyng took hem. There sorewis as of a womman trauelynge of child; Psalms 48:7 in a greet spirit thou schalt al to-breke the schippis of Tharsis. Psalms 48:8 As we herden, so we sien, in the citee of the Lord of vertues, in the citee of oure God; God hath foundid that citee with outen ende. Psalms 48:9 God, we han resseyued thi mercy; in the myddis of thi temple. Psalms 48:10 Aftir thi name, God, so thin heriyng is spred abrood in to the endis of erthe; thi riyt hond is ful of riytfulnesse. Psalms 48:11 The hil of Sion be glad, and the douytris of Judee be fulli ioiful; for thi domes, Lord. Psalms 48:12 Cumpasse ye Syon, and biclippe ye it; telle ye in the touris therof. Psalms 48:13 Sette ye youre hertis in the vertu of him; and departe ye the housis of hym, that ye telle out in an other generacioun. Psalms 48:14 For this is God, oure God, in to withouten ende, and in to the world of world; he schal gouerne vs in to worldis.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook