Psalms 47
The nations are exhorted cheerfully to entertain the Kingdom of Christ.
Psalms 47:1 {The title of the sixte and fourtithe salm. To victorie, a salm to the sones of Chore.} Alle ye folkis, make ioie with hondis; synge ye hertli to God in the vois of ful out ioiyng. Psalms 47:2 For the Lord is hiy and ferdful; a greet kyng on al erthe. Psalms 47:3 He made puplis suget to vs; and hethene men vndur oure feet. Psalms 47:4 He chees his eritage to vs; the fairnesse of Jacob, whom he louyde. Psalms 47:5 God stiede in hertli song; and the Lord in the vois of a trumpe. Psalms 47:6 Synge ye to oure God, synge ye; synge ye to oure kyng, synge ye. Psalms 47:7 For God is kyng of al erthe; synge ye wiseli. Psalms 47:8 God schal regne on hethene men; God sittith on his hooli seete. Psalms 47:9 The princes of puplis ben gaderid togidere with God of Abraham; for the stronge goddis of erthe ben reisid greetli.
|
