Wycliffe Bible

Psalms 45

The majesty and grace of Christ's Kingdom.

Psalms 45:1 {The title of the foure and fourtithe salm. To the ouercomere for the lilies, the most loued song of lernyng of the sones of Chore.} Myn herte hath teld out a good word; Y seie my workis to the kyng. Mi tunge is a penne of a writere; writynge swiftli. Psalms 45:2 Crist, thou art fairer in schap than the sones of men; grace is spred abrood in thi lippis; therfor God blessid thee withouten ende. Psalms 45:3 Be thou gird with thi swerd; on thi hipe most myytili. Psalms 45:4 Biholde thou in thi schaplynesse and thi fairnesse; come thou forth with prosperite, and regne thou. For treuthe, and myldenesse, and riytfulnesse; and thi riyt hond schal lede forth thee wondurfuli. Psalms 45:5 Thi scharpe arowis schulen falle in to the hertis of the enemyes of the kyng; puplis schulen be vndur thee. Psalms 45:6 God, thi seete is in to the world of world; the yerde of thi rewme is a yerde of riyt reulyng, ethir of equite. Psalms 45:7 Thou louedist riytfulnesse, and hatidist wickidnesse; therfor thou, God, thi God, anoyntide thee with the oile of gladnesse, more than thi felowis. Psalms 45:8 Mirre, and gumme, and cassia, of thi clothis, of the housis yuer; Psalms 45:9 of whiche the douytris of kyngis delitiden thee. A queen stood nyy on thi riyt side in clothing ouergildid; cumpassid with dyuersitee.

The duty of the Church, and the benefits thereof.

Psalms 45:10 Douyter, here thou, and se, and bowe doun thin eere; and foryete thi puple, and the hows of thi fadir. Psalms 45:11 And the kyng schal coueyte thi fairnesse; for he is thi Lord God, and thei schulen worschipe hym. Psalms 45:12 And the douytris of Tire in yiftis; alle the riche men of the puple schulen biseche thi cheer. Psalms 45:13 Al the glorye of that douyter of the kyng is with ynne in goldun hemmes; Psalms 45:14 sche is clothid aboute with dyuersitees. Virgyns schulen be brouyt to the kyng aftir hir; hir neiyboressis schulen be brouyt to thee. Psalms 45:15 Thei schulen be brouyt in gladnesse, and ful out ioiyng; thei schulen be brouyt in to the temple of the kyng. Psalms 45:16 Sones ben borun to thee, for thi fadris; thou schalt ordeyne hem princes on al erthe. Psalms 45:17 Lord, thei schulen be myndeful of thi name; in ech generacioun, and in to generacioun. Therfor puplis schulen knouleche to thee withouten ende; and in to the world of world.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook