Wycliffe Bible

Psalms 44

The Church, in memory of former favours,

Psalms 44:1 {The title of the thre and fourtithe salm. To victorie, lernyng to the sones of Chore.} God, we herden with oure eeris; oure fadris telden to vs. The werk, which thou wrouytist in the daies of hem; and in elde daies. Psalms 44:2 Thin hond lost hethene men, and thou plauntidist hem; thou turmentidist puplis, and castidist hem out. Psalms 44:3 For the children of Israel weldiden the lond not bi her swerd; and the arm of hem sauyde not hem. But thi riyt hond, and thin arm, and the liytnyng of thi cheer; for thou were plesid in hem. Psalms 44:4 Thou art thi silf, my kyng and my God; that sendist helthis to Jacob. Psalms 44:5 Bi thee we schulen wyndewe oure enemyes with horn; and in thi name we schulen dispise hem, that risen ayen vs. Psalms 44:6 For Y schal not hope in my bouwe; and my swerd schal not saue me.

complaineth of her present evils.

Psalms 44:7 For thou hast saued vs fro men turmentinge vs; and thou hast schent men hatinge vs. Psalms 44:8 We schulen be preisid in God al dai; and in thi name we schulen knouleche to thee in to the world. Psalms 44:9 But now thou hast put vs abac, and hast schent vs; and thou, God, schalt not go out in oure vertues. Psalms 44:10 Thou hast turned vs awei bihynde aftir oure enemyes; and thei, that hatiden vs, rauyschiden dyuerseli to hem silf. Psalms 44:11 Thou hast youe vs as scheep of meetis; and among hethene men thou hast scaterid vs. Psalms 44:12 Thou hast seeld thi puple with out prijs; and multitude was not in the chaungyngis of hem. Psalms 44:13 Thou hast set vs schenschip to oure neiyboris; mouwyng and scorn to hem that ben in oure cumpas. Psalms 44:14 Thou hast set vs into licnesse to hethene me; stiryng of heed among puplis. Psalms 44:15 Al dai my schame is ayens me; and the schenschipe of my face hilide me. Psalms 44:16 Fro the vois of dispisere, and yuele spekere; fro the face of enemy, and pursuere.

Professing her integrity,

Psalms 44:17 Alle these thingis camen on vs, and we han not foryete thee; and we diden not wickidli in thi testament. Psalms 44:18 And oure herte yede not awei bihynde; and thou hast bowid awei oure pathis fro thi weie. Psalms 44:19 For thou hast maad vs lowe in the place of turment; and the schadewe of deth hilide vs. Psalms 44:20 If we foryaten the name of oure God; and if we helden forth oure hondis to an alien God. Psalms 44:21 Whether God schal not seke these thingis? for he knowith the hid thingis of herte. Psalms 44:22 For whi we ben slayn al dai for thee; we ben demed as scheep of sleyng. Psalms 44:23 Lord, rise vp, whi slepist thou? rise vp, and putte not awei in to the ende.

she fervently prayeth for succour.

Psalms 44:24 Whi turnest thou awei thi face? thou foryetist oure pouert, and oure tribulacioun. Psalms 44:25 For oure lijf is maad low in dust; oure wombe is glued togidere in the erthe. Psalms 44:26 Lord, rise vp thou, and helpe vs; and ayenbie vs for thi name.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook