Wycliffe Bible

Psalms 35

David prayeth for this own safety, and his enemies' confusion.

Psalms 35:1 {The title of the foure and thrittithe salm. To Dauid.} Lord, deme thou hem, that anoien me; ouercome thou hem, that fiyten ayens me. Psalms 35:2 Take thou armeris and scheeld; and rise vp into help to me. Psalms 35:3 Schede out the swerd, and close togidere ayens hem that pursuen me; seie thou to my soule, Y am thin helthe. Psalms 35:4 Thei that seken my lijf; be schent, and aschamed. Thei that thenken yuels to me; be turned awei bacward, and be schent. Psalms 35:5 Be thei maad as dust bifor the face of the wynd; and the aungel of the Lord make hem streit. Psalms 35:6 Her weie be maad derknesse, and slydirnesse; and the aungel of the Lord pursue hem. Psalms 35:7 For with out cause thei hidden to me the deth of her snare; in veyn thei dispisiden my soule. Psalms 35:8 The snare which he knoweth not come to hym, and the takyng which he hidde take hym; and fall he in to the snare in that thing. Psalms 35:9 But my soule schal fulli haue ioye in the Lord; and schal delite on his helthe. Psalms 35:10 Alle my boonys schulen seie, Lord, who is lijk thee? Thou delyuerist a pore man fro the hond of his strengere; a nedi man and pore fro hem that diuersely rauischen hym.

He complaineth of their wrongful dealing.

Psalms 35:11 Wickid witnessis risynge axiden me thingis, whiche Y knewe not. Psalms 35:12 Thei yeldiden to me yuels for goodis; bareynnesse to my soule. Psalms 35:13 But whanne thei weren diseseful to me; Y was clothid in an heire. I mekide my soule in fastyng; and my preier schal be turned with ynne my bosum. Psalms 35:14 I pleside so as oure neiybore, as oure brother; Y was maad meke so as morenynge and sorewful. Psalms 35:15 And thei weren glad, and camen togidere ayens me; turmentis weren gaderid on me, and Y knew not. Psalms 35:16 Thei weren scaterid, and not compunct, thei temptiden me, thei scornyden me with mowyng; thei gnastiden on me with her teeth. Psalms 35:17 Lord, whanne thou schalt biholde, restore thou my soule fro the wickidnesse of hem; restore thou myn oon aloone fro liouns. Psalms 35:18 I schal knowleche to thee in a greet chirche; Y schal herie thee in a sad puple. Psalms 35:19 Thei that ben aduersaries wickidli to me, haue not ioye on me; that haten me with out cause, and bikenen with iyen. Psalms 35:20 For sotheli thei spaken pesibli to me; and thei spekynge in wrathfulnesse of erthe thouyten giles. Psalms 35:21 And thei maden large her mouth on me; thei seiden, Wel, wel! oure iyen han sien.

Thereby he inciteth God against them.

Psalms 35:22 Lord, thou hast seen, be thou not stille; Lord, departe thou not fro me. Psalms 35:23 Rise vp, and yyue tent to my doom; my God and my Lord, biholde in to my cause. Psalms 35:24 Mi Lord God, deme thou me bi thi riytfulnesse; and haue thei not ioye on me. Psalms 35:25 Seie thei not in her hertis, Wel, wel, to oure soule; nether seie thei, We schulen deuoure hym. Psalms 35:26 Shame thei, and drede thei togidere; that thanken for myn yuels. Be thei clothid with schame and drede; that speken yuele thingis on me. Psalms 35:27 Haue thei ful ioie, and be thei glad that wolen my riytfulnesse; and seie thei euere, The Lord be magnyfied, whiche wolen the pees of his seruaunt. Psalms 35:28 And my tunge schal bithenke thi riytfulnesse; al day thin heriyng.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook