Wycliffe Bible

Psalms 25

David's confidence in prayer.

Psalms 25:1 {The title of the foure and twentithe salm. To Dauid.} Lord, to thee Y haue reisid my soule; Psalms 25:2 my God, Y truste in thee, be Y not aschamed. Nethir myn enemyes scorne me; Psalms 25:3 for alle men that suffren thee schulen not be schent. Alle men doynge wickyd thingis superfluli; be schent. Psalms 25:4 Lord, schewe thou thi weies to me; and teche thou me thi pathis. Psalms 25:5 Dresse thou me in thi treuthe, and teche thou me, for thou art God my sauyour; and Y suffride thee al dai. Psalms 25:6 Lord, haue thou mynde of thi merciful doyngis; and of thi mercies that ben fro the world.

He prayeth for remission of sins,

Psalms 25:7 Haue thou not mynde on the trespassis of my yongthe; and on myn vnkunnyngis. Thou, Lord, haue mynde on me bi thi merci; for thi goodnesse. Psalms 25:8 The Lord is swete and riytful; for this he schal yyue a lawe to men trespassynge in the weie. Psalms 25:9 He schal dresse deboner men in doom; he schal teche mylde men hise weies. Psalms 25:10 Alle the weies of the Lord ben mercy and treuthe; to men sekynge his testament, and hise witnessyngis. Psalms 25:11 Lord, for thi name thou schalt do merci to my synne; for it is myche. Psalms 25:12 Who is a man, that dredith the Lord? he ordeyneth to hym a lawe in the weie which he chees. Psalms 25:13 His soule schal dwelle in goodis; and his seed schal enerite the lond. Psalms 25:14 The Lord is a sadnesse to men dredynge hym; and his testament is, that it be schewid to hem. Psalms 25:15 Myn iyen ben euere to the Lord; for he schal breide awey my feet fro the snare.

and for help in affliction.

Psalms 25:16 Biholde thou on me, and haue thou mercy on me; for Y am Psalms 25:17 oon aloone and pore The tribulaciouns of myn herte ben multiplied; delyuere thou me of my nedis. Psalms 25:18 Se thou my mekenesse and my trauel; and foryyue thou alle my trespassis. Psalms 25:19 Bihold thou myn enemyes, for thei ben multiplied; and thei haten me bi wickid hatrede. Psalms 25:20 Kepe thou my soule, and delyuere thou me; be Y not aschamed, for Y hopide in thee. Psalms 25:21 Innocent men and riytful cleuyden to me; for Y suffride thee. Psalms 25:22 God, delyuere thou Israel; fro alle hise tribulaciouns.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook