Wycliffe Bible

Psalms 22

David complaineth in great discouragement.

Psalms 22:1 {The title of the oon and twentithe salm. To ouercome, for the morewtid hynd; the salm of Dauid.} God, my God, biholde thou on me, whi hast thou forsake me? the wordis of my trespassis ben fer fro myn helthe. Psalms 22:2 Mi God, Y schal crye bi dai, and thou schalt not here; and bi nyyt, and not to vnwisdom to me. Psalms 22:3 Forsothe thou, the preisyng of Israel, dwellist in holynesse; Psalms 22:4 oure fadris hopiden in thee, thei hopiden, and thou delyueridist hem. Psalms 22:5 Thei crieden to thee, and thei weren maad saaf; thei hopiden in thee, and thei weren not schent. Psalms 22:6 But Y am a worm, and not man; the schenschip of men, and the outcastyng of the puple. Psalms 22:7 Alle men seynge me scorneden me; thei spaken with lippis, and stiriden the heed. Psalms 22:8 He hopide in the Lord, delyuere he hym; make he hym saaf, for he wole hym.

He prayeth in great distress.

Psalms 22:9 For thou it art that drowist me out of the wombe, thou art myn hope fro the tetis of my modir; Psalms 22:10 in to thee Y am cast forth fro the wombe. Fro the wombe of my modir thou art my God; departe thou not fro me. Psalms 22:11 For tribulacioun is next; for noon is that helpith. Psalms 22:12 Many calues cumpassiden me; fatte bolis bisegiden me. Psalms 22:13 Thei openyden her mouth on me; as doith a lioun rauyschynge and rorynge. Psalms 22:14 I am sched out as watir; and alle my boonys ben scaterid. Myn herte is maad, as wex fletynge abrood; in the myddis of my wombe. Psalms 22:15 Mi vertu driede as a tiyl stoon, and my tunge cleuede to my chekis; and thou hast brouyt forth me in to the dust of deth. Psalms 22:16 For many doggis cumpassiden me; the counsel of wickid men bisegide me. Thei delueden myn hondis and my feet; Psalms 22:17 thei noumbriden alle my boonys. Sotheli thei lokiden, and bihelden me; Psalms 22:18 thei departiden my clothis to hem silf, and thei senten lot on my cloth. Psalms 22:19 But thou, Lord, delaie not thin help fro me; biholde thou to my defence. Psalms 22:20 God, delyuere thou my lijf fro swerd; and delyuere thou myn oon aloone fro the hond of the dogge. Psalms 22:21 Make thou me saaf fro the mouth of a lioun; and my mekenesse fro the hornes of vnycornes. Psalms 22:22 I schal telle thi name to my britheren; Y schal preise thee in the myddis of the chirche.

He praiseth God.

Psalms 22:23 Ye that dreden the Lord, herie hym; alle the seed of Jacob, glorifie ye hym. Psalms 22:24 Al the seed of Israel drede hym; for he forsook not, nethir dispiside the preier of a pore man. Nethir he turnede awei his face fro me; and whanne Y criede to hym, he herde me. Psalms 22:25 Mi preisyng is at thee in a greet chirche; Y schal yelde my vowis in the siyt of men dredynge hym. Psalms 22:26 Pore men schulen ete, and schulen be fillid, and thei schulen herie the Lord, that seken hym; the hertis of hem schulen lyue in to the world of world. Psalms 22:27 Alle the endis of erthe schulen bithenke; and schulen be conuertid to the Lord. And alle the meynees of hethene men; schulen worschipe in his siyt. Psalms 22:28 For the rewme is the Lordis; and he schal be Lord of hethene men. Psalms 22:29 Alle the fatte men of erthe eeten and worschipiden; alle men, that goen doun in to erthe, schulen falle doun in his siyt. Psalms 22:30 And my soule schal lyue to hym; and my seed schal serue him. Psalms 22:31 A generacioun to comyng schal be teld to the Lord; and heuenes schulen telle his riytfulnesse to the puple that schal be borun, whom the Lord made.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook