Wycliffe Bible

Psalms 21

A thanksgiving for victory.

Psalms 21:1 {The title of the twentithe salm. To victorie, the salm of Dauid.} Lord, the kyng schal be glad in thi vertu; and he schal ful out haue ioye greetli on thin helthe. Psalms 21:2 Thou hast youe to hym the desire of his herte; and thou hast not defraudid hym of the wille of hise lippis. Psalms 21:3 For thou hast bifor come hym in the blessyngis of swetnesse; thou hast set on his heed a coroun of preciouse stoon. Psalms 21:4 He axide of thee lijf, and thou yauest to hym; the lengthe of daies in to the world, and in to the world of world. Psalms 21:5 His glorie is greet in thin helthe; thou schalt putte glorie, and greet fayrnesse on hym. Psalms 21:6 For thou schalt yyue hym in to blessing in to the world of world; thou schalt make hym glad in ioye with thi cheer.

Confidence of further success.

Psalms 21:7 For the kyng hopith in the Lord; and in the merci of the hiyeste he schal not be moued. Psalms 21:8 Thyn hond be foundun to alle thin enemyes; thi riythond fynde alle hem that haten thee. Psalms 21:9 Thou schalt putte hem as a furneis of fier in the tyme of thi cheer; the Lord schal disturble hem in his ire, and fier schal deuoure hem. Psalms 21:10 Thou schalt leese the fruyt of hem fro erthe; and thou schalt leese the seed of hem fro the sones of men. Psalms 21:11 For thei bowiden yuels ayens thee; thei thouyten counseils, whiche thei myyten not stablische. Psalms 21:12 For thou schalt putte hem abac; in thi relifs thou schalt make redi the cheer of hem. Psalms 21:13 Lord, be thou enhaunsid in thi vertu; we schulen synge, and seie opinly thi vertues.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook