Wycliffe Bible

Psalms 17

David, in confidence of his integrity, craveth defence of God against his enemies.

Psalms 17:1 {The title of the sixtenthe salm. The preier of Dauid.} Lord, here thou my riytfulnesse; biholde thou my preier. Perseuye thou with eeris my preier; not maad in gileful lippis. Psalms 17:2 Mi doom come forth of thi cheer; thin iyen se equite. Psalms 17:3 Thou hast preued myn herte, and hast visitid in niyt; thou hast examynyd me bi fier, and wickidnesse is not foundun in me. Psalms 17:4 That my mouth speke not the werkis of men; for the wordis of thi lippis Y haue kept harde weies. Psalms 17:5 Make thou perfit my goyngis in thi pathis; that my steppis be not moued. Psalms 17:6 I criede, for thou, God, herdist me; bowe doun thin eere to me, and here thou my wordis. Psalms 17:7 Make wondurful thi mercies; that makist saaf men hopynge in thee. Psalms 17:8 Kepe thou me as the appil of the iye; fro men ayenstondynge thi riyt hond. Keuere thou me vndur the schadewe of thi wyngis; Psalms 17:9 fro the face of vnpitouse men, that han turmentid me. Myn enemyes han cumpassid my soule;

He sheweth their pride, craft, and eagerness.

Psalms 17:10 thei han closide togidere her fatnesse; the mouth of hem spak pride. Psalms 17:11 Thei castiden me forth, and han cumpassid me now; thei ordeyneden to bowe doun her iyen in to erthe. Psalms 17:12 Thei, as a lioun maad redi to prey, han take me; and as the whelp of a lioun dwellynge in hid places.

He prayeth against them in confidence of his hope.

Psalms 17:13 Lord, rise thou vp, bifor come thou hym, and disseyue thou hym; delyuere thou my lijf fro the vnpitouse, Psalms 17:14 delyuere thou thi swerd fro the enemyes of thin hond. Lord, departe thou hem fro a fewe men of the lond in the lijf of hem; her wombe is fillid of thin hid thingis. Thei ben fillid with sones; and thei leften her relifis to her litle children. Psalms 17:15 But Y in riytfulnesse schal appere to thi siyt; Y schal be fillid, whanne thi glorie schal appere.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook