Wycliffe Bible

Psalms 16

David, in distrust of merits, and hatred of idolatry, fleeth to God for preservation.

Psalms 16:1 {The title of the fiuetenthe salm. Of the meke and symple, the salm of Dauid.} Lord, kepe thou me, for Y haue hopid in thee; Psalms 16:2 Y seide to the Lord, Thou art my God, for thou hast no nede of my goodis. Psalms 16:3 To the seyntis that ben in the lond of hym; he made wondurful alle my willis in hem. Psalms 16:4 The sikenessis of hem ben multiplied; aftirward thei hastiden. I schal not gadire togidere the conuenticulis, ethir litle couentis, of hem of bloodis; and Y schal not be myndeful of her names bi my lippis.

He sheweth the hope of his calling, of the resurrection, and life everlasting.

Psalms 16:5 The Lord is part of myn eritage, and of my passion; thou art, that schalt restore myn eritage to me. Psalms 16:6 Coordis felden to me in ful clere thingis; for myn eritage is ful cleer to me. Psalms 16:7 I schal blesse the Lord, that yaf vndurstondyng to me; ferthermore and my reynes blameden me til to nyyt. Psalms 16:8 I purueide euere the Lord in my siyt; for he is on the riythalf to me, that Y be not moued. Psalms 16:9 For this thing myn herte was glad, and my tunge ioyede fulli; ferthermore and my fleisch schal reste in hope. Psalms 16:10 For thou schalt not forsake my soule in helle; nether thou schalt yyue thin hooli to se corrupcioun. Psalms 16:11 Thou hast maad knowun to me the weies of lijf; thou schalt fille me of gladnesse with thi cheer; delityngis ben in thi riythalf til in to the ende.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook