Wycliffe Bible

Psalms 145

David praiseth God for his fame,

Psalms 145:1 {The title of the hundrid and foure and fourtithe salm. The ympne of Dauith.} Mi God king, Y schal enhaunse thee; and Y schal blesse thi name in to the world, and in to the world of world. Psalms 145:2 Bi alle daies Y schal blesse thee; and Y schal herie thi name in to the world, and in to the world of the world. Psalms 145:3 The Lord is greet, and worthi to be preisid ful myche; and noon ende is of his greetnesse. Psalms 145:4 Generacioun and generacioun schal preise thi werkis; and thei schulen pronounse thi power. Psalms 145:5 Thei schulen speke the greet doyng of the glorie of thin holynesse; and thei schulen telle thi merueils. Psalms 145:6 And thei schulen seye the vertu of thi ferdful thingis; and thei schulen telle thi greetnesse. Psalms 145:7 Thei schulen bringe forth the mynde of the abundaunce of thi swetnesse; and thei schulen telle with ful out ioiyng thi riytfulnesse.

for his goodness,

Psalms 145:8 The Lord is a merciful doere, and merciful in wille; paciente, and myche merciful. Psalms 145:9 The Lord is swete in alle thingis; and hise merciful doyngis ben on alle hise werkis. Psalms 145:10 Lord, alle thi werkis knouleche to thee; and thi seyntis blesse thee.

for his Kingdom,

Psalms 145:11 Thei schulen seie the glorie of thi rewme; and thei schulen speke thi power. Psalms 145:12 That thei make thi power knowun to the sones of men; and the glorie of the greetnesse of thi rewme. Psalms 145:13 Thi rewme is the rewme of alle worldis; and thi lordschipe is in al generacioun and in to generacioun. The Lord is feithful in alle hise wordis; and hooli in alle hise werkis.

for his providence,

Psalms 145:14 The Lord liftith vp alle that fallen doun; and reisith alle men hurtlid doun. Psalms 145:15 Lord, the iyen of alle beestis hopen in thee; and thou yyuest the mete of hem in couenable tyme. Psalms 145:16 Thou openest thin hond; and thou fillist ech beeste with blessing.

for his saving mercy.

Psalms 145:17 The Lord is iust in alle hise weies; and hooli in alle hise werkis. Psalms 145:18 The Lord is niy to alle that inwardli clepen him; to alle that inwardli clepen him in treuthe. Psalms 145:19 He schal do the wille of hem, that dreden him, and he schal here the biseching of hem; and he schal make hem saaf. Psalms 145:20 The Lord kepith alle men louynge him; and he schal leese alle synners. Psalms 145:21 Mi mouth schal speke the heriyng of the Lord; and ech man blesse his hooli name in to the world, and in to the world of world.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook