Wycliffe Bible

Psalms 144

David blesseth God for his mercy both to him and to man.

Psalms 144:1 {The title of the hundrid and thre and fourtithe salm. A salm.} Blessid be my Lord God, that techith myn hondis to werre; and my fyngris to batel. Psalms 144:2 Mi merci, and my refuyt; my takere vp, and my delyuerer. Mi defender, and Y hopide in him; and thou makist suget my puple vnder me. Psalms 144:3 Lord, what is a man, for thou hast maad knowun to him; ether the sone of man, for thou arettist him of sum valu? Psalms 144:4 A man is maad lijk vanyte; hise daies passen as schadow.

He prayeth that God would powerfully deliver him from his enemies.

Psalms 144:5 Lord, bowe doun thin heuenes, and come thou doun; touche thou hillis, and thei schulen make smoke. Psalms 144:6 Leite thou schynyng, and thou schalt scatere hem; sende thou out thin arowis, and thou schalt disturble hem. Psalms 144:7 Sende out thin hond fro an hiy, rauysche thou me out, and delyuere thou me fro many watris; and fro the hond of alien sones. Psalms 144:8 The mouth of which spak vanite; and the riythond of hem is the riyt hond of wickidnesse.

He promiseth to praise God.

Psalms 144:9 God, Y schal synge to thee a new song; I schal seie salm to thee in a sautre of ten stringis. Psalms 144:10 Which yyuest heelthe to kingis; which ayen bouytist Dauid, thi seruaunt, fro the wickid swerd rauische thou out me.

He prayeth for the happy state of the kingdom.

Psalms 144:11 And delyuere thou me fro the hond of alien sones; the mouth of whiche spak vanyte, and the riythond of hem is the riyt hond of wickidnesse. Psalms 144:12 Whose sones ben; as new plauntingis in her yongthe. The douytris of hem ben arayed; ourned about as the licnesse of the temple. Psalms 144:13 The selers of hem ben fulle; bringinge out fro this vessel in to that. The scheep of hem ben with lambre, plenteuouse in her goingis out; Psalms 144:14 her kien ben fatte. No falling of wal is, nether passing ouere; nether cry is in the stretis of hem. Psalms 144:15 Thei seiden, The puple is blessid, that hath these thingis; blessid is the puple, whos Lord is the God of it.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook