Wycliffe Bible

Psalms 14

David describeth the corruption of a natural man.

Psalms 14:1 {The title of the threttenthe salm. To the victorie of Dauid.} The vnwise man seide in his herte, God is not. Thei ben corrupt, and ben maad abhomynable in her studies; noon is that doith good, noon is til to oon. Psalms 14:2 The Lord bihelde fro heuene on the sones of men; that he se, if ony is vndurstondynge, ethir sekynge God. Psalms 14:3 Alle bowiden awei, togidere thei ben maad vnprofitable; noon is that doth good, noon is til to oon. The throte of hem is an open sepulcre, thei diden gilefuli with her tungis; the venym of snakis is vndur her lippis. Whos mouth is ful of cursyng and bittirnesse; her feet ben swift to schede out blood. Sorewe and cursidnesse is in the weies of hem, and thei knewen not the weie of pees; the drede of God is not bifor her iyen.

He convinceth the wicked by the light of their conscience.

Psalms 14:4 Whether alle men that worchen wickidnesse schulen not knowe; that deuowren my puple, as mete of breed? Psalms 14:5 Thei clepeden not the Lord; thei trembliden there for dreed, where was no drede; Psalms 14:6 for the Lord is in a riytful generacioun. Thou hast schent the counsel of a pore man; for the Lord is his hope.

He glorieth in the salvation of God.

Psalms 14:7 Who schal yyue fro Syon helthe to Israel? Whanne the Lord hath turned awei the caitifte of his puple; Jacob schal fulli be ioiful, and Israel schal be glad.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook