Wycliffe Bible

Psalms 139

David praiseth God for his allseeing providence,

Psalms 139:1 {The title of the hundrid and eiyte and thrittithe salm. To victorie, the salm of Dauith.} Lord, thou hast preued me, and hast knowe me; Psalms 139:2 thou hast knowe my sitting, and my rising ayen. Thou hast vndirstonde my thouytis fro fer; Psalms 139:3 thou hast enquerid my path and my corde. And thou hast bifor seien alle my weies; Psalms 139:4 for no word is in my tunge. Lo! Lord, thou hast knowe alle thingis, Psalms 139:5 the laste thingis and elde; thou hast formed me, and hast set thin hond on me. Psalms 139:6 Thi kunnyng is maad wondirful of me; it is coumfortid, and Y schal not mowe to it. Psalms 139:7 Whidir schal Y go fro thi spirit; and whider schal Y fle fro thi face? Psalms 139:8 If Y schal stie in to heuene, thou art there; if Y schal go doun to helle, thou art present. Psalms 139:9 If Y schal take my fetheris ful eerli; and schal dwelle in the last partis of the see. Psalms 139:10 And sotheli thider thin hond schal leede me forth; and thi riyt hond schal holde me. Psalms 139:11 And Y seide, In hap derknessis schulen defoule me; and the nyyt is my liytnyng in my delicis. Psalms 139:12 For whi derknessis schulen not be maad derk fro thee, aud the niyt schal be liytned as the dai; as the derknessis therof, so and the liyt therof. Psalms 139:13 For thou haddist in possessioun my reines; thou tokist me vp fro the wombe of my modir. Psalms 139:14 I schal knouleche to thee, for thou art magnefied dreedfuli; thi werkis ben wondirful, and my soule schal knouleche ful miche. Psalms 139:15 Mi boon, which thou madist in priuete, is not hyd fro thee; and my substaunce in the lower partis of erthe. Psalms 139:16 Thin iyen sien myn vnperfit thing, and alle men schulen be writun in thi book; daies schulen be formed, and no man is in tho.

and for his infinite mercies.

Psalms 139:17 Forsothe, God, thi frendis ben maad onourable ful myche to me; the princeheed of hem is coumfortid ful myche. Psalms 139:18 I schal noumbre hem, and thei schulen be multiplied aboue grauel; Y roos vp, and yit Y am with thee.

He defieth the wicked.

Psalms 139:19 For thou, God, schalt slee synneris; ye menquelleris, bowe awei fro me. Psalms 139:20 For ye seien in thouyt; Take thei her citees in vanite. Psalms 139:21 Lord, whether Y hatide not hem that hatiden thee; and Y failide on thin enemyes? Psalms 139:22 Bi perfite haterede Y hatide hem; thei weren maad enemyes to me.

He prayeth for sincerety.

Psalms 139:23 God, preue thou me, and knowe thou myn herte; axe thou me, and knowe thou my pathis. Psalms 139:24 And se thou, if weie of wickidnesse is in me; and lede thou me forth in euerlastinge wei.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook