Wycliffe Bible

Psalms 138

David praiseth God for the truth of his Word.

Psalms 138:1 {The title of the hundrid and seuene and thrittithe salm. To Dauith him silf.} Lord, Y schal knouleche to thee in al myn herte; for thou herdist the wordis of my mouth. Mi God, Y schal singe to thee in the siyt of aungels; Psalms 138:2 Y schal worschipe to thin hooli temple, and Y schal knouleche to thi name. On thi merci and thi treuthe; for thou hast magnefied thin hooli name aboue al thing. Psalms 138:3 In what euere dai Y schal inwardli clepe thee, here thou me; thou schalt multipli vertu in my soule.

He prophesieth that the kings of the earth shall praise God.

Psalms 138:4 Lord, alle the kingis of erthe knouleche to thee; for thei herden alle the wordis of thi mouth. Psalms 138:5 And singe thei in the weies of the Lord; for the glorie of the Lord is greet. Psalms 138:6 For the Lord is hiy, and biholdith meke thingis; and knowith afer hiy thingis.

He professeth his confidence in God.

Psalms 138:7 If Y schal go in the myddil of tribulacioun, thou schalt quikene me; and thou stretchidist forth thin hond on the ire of myn enemyes, and thi riyt hond made me saaf. Psalms 138:8 The Lord schal yelde for me, Lord, thi merci is with outen ende; dispise thou not the werkis of thin hondis.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook