Psalms 135
An exhortation to praise God for his mercy,
Psalms 135:1 {The title of the hundrid and foure and thrittithe salm. Alleluya.} Herie ye the name of the Lord; ye seruauntis of the Lord, herie ye. Psalms 135:2 Ye that stonden in the hous of the Lord; in the hallis of the hous of oure God. Psalms 135:3 Herie ye the Lord, for the Lord is good; singe ye to his name, for it is swete. Psalms 135:4 For the Lord chees Jacob to him silf; Israel in to possessioun to him silf.
for his power,
Psalms 135:5 For Y haue knowe, that the Lord is greet; and oure God bifore alle goddis. Psalms 135:6 The Lord made alle thingis, what euere thingis he wolde, in heuene and in erthe; in the see, and in alle depthis of watris. Psalms 135:7 He ledde out cloudis fro the ferthest part of erthe; and made leitis in to reyn. Which bringith forth wyndis fro hise tresours;
for his judgments.
Psalms 135:8 which killide the firste gendrid thingis of Egipt, fro man til to beeste. Psalms 135:9 He sente out signes and grete wondris, in the myddil of thee, thou Egipt; in to Farao and in to alle hise seruauntis. Psalms 135:10 Which smoot many folkis; and killide stronge kingis. Psalms 135:11 Seon, the king of Ammorreis, and Og, the king of Basan; and alle the rewmes of Chanaan. Psalms 135:12 And he yaf the lond of hem eritage; eritage to Israel, his puple. Psalms 135:13 Lord, thi name is with outen ende; Lord, thi memorial be in generacioun and in to generacioun. Psalms 135:14 For the Lord schal deme his puple; and he schal be preied in hise seruauntis.
The vanity of idols.
Psalms 135:15 The symulacris of hethene men ben siluer and gold; the werkis of the hondis of men. Psalms 135:16 Tho han a mouth, and schulen not speke; tho han iyen, and schulen not se. Psalms 135:17 Tho han eeris, and schulen not here; for nether spirit is in the mouth of tho. Psalms 135:18 Thei that maken tho, be maad lijk tho; and alle that tristen in tho.
An exhortation to bless God.
Psalms 135:19 The hous of Israel, blesse ye the Lord; the hous of Aaron, blesse ye the Lord. Psalms 135:20 The hous of Leuy, blesse ye the Lord; ye that dreden the Lord, blesse ye the Lord. Psalms 135:21 Blessid be the Lord of Syon; that dwellith in Jerusalem.
|
