Wycliffe Bible

Psalms 132

David in his prayer commendeth unto God the religious care he had for the Ark.

Psalms 132:1 {The title of the hundrid and oon and thrittithe salm. The song of greces.} Lord, haue thou mynde on Dauid; and of al his myldenesse. Psalms 132:2 As he swoor to the Lord; he made a vowe to God of Jacob. Psalms 132:3 I schal not entre in to the tabernacle of myn hous; Y schal not stie in to the bed of mi restyng. Psalms 132:4 I schal not yyue sleep to myn iyen; and napping to myn iye liddis. Psalms 132:5 And rest to my templis, til Y fynde a place to the Lord; a tabernacle to God of Jacob. Psalms 132:6 Lo! we herden that arke of testament in Effrata, that is, in Silo; we founden it in the feeldis of the wode. Psalms 132:7 We schulen entre in to the tabernacle of hym; we schulen worschipe in the place, where hise feet stoden.

His prayer at the removing of the Ark,

Psalms 132:8 Lord, rise thou in to thi reste; thou and the ark of thin halewing. Psalms 132:9 Thi prestis be clothid with riytfulnesse; and thi seyntis make ful out ioye. Psalms 132:10 For Dauid, thi seruaunt; turne thou not awei the face of thi crist.

with a repetition of God's promises.

Psalms 132:11 The Lord swoor treuthe to Dauid, and he schal not make hym veyn; of the fruyt of thi wombe Y schal sette on thi seete. Psalms 132:12 If thi sones schulen kepe my testament; and my witnessingis, these whiche Y schal teche hem. And the sones of hem til in to the world; thei schulen sette on thi seete. Psalms 132:13 For the Lord chees Sion; he chees it in to dwelling to hym silf. Psalms 132:14 This is my reste in to the world of world; Y schal dwelle here, for Y chees it. Psalms 132:15 I blessynge schal blesse the widewe of it; Y schal fille with looues the pore men of it. Psalms 132:16 I schal clothe with heelthe the preestis therof; and the hooli men therof schulen make ful out ioye in ful reioisinge. Psalms 132:17 Thidir Y schal bringe forth the horn of Dauid; Y made redi a lanterne to my crist. Psalms 132:18 I schal clothe hise enemyes with schame; but myn halewing schal floure out on hym.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook