Psalms 127
The virtue of God's blessing.
Psalms 127:1 {The title of the hundrid and sixe and twentithe salm. The song of greces of Salomon.} No but the Lord bilde the hous; thei that bilden it han trauelid in veyn. No but the Lord kepith the citee; he wakith in veyn that kepith it. Psalms 127:2 It is veyn to you to rise bifore the liyt; rise ye after that ye han sete, that eten the breed of sorewe. Whanne he schal yyue sleep to his loued; lo!
Good children are his gift.
Psalms 127:3 the eritage of the Lord is sones, the mede is the fruyt of wombe. Psalms 127:4 As arowis ben in the hond of the miyti; so the sones of hem that ben schakun out. Psalms 127:5 Blessid is the man, that hath fillid his desier of tho; he schal not be schent, whanne he schal speke to hise enemyes in the yate.
| 
