Wycliffe Bible

Psalms 115

Because God is truly glorious,

Psalms 115:1 Lord, not to vs, not to vs; but yyue thou glorie to thi name. Psalms 115:2 On thi merci and thi treuthe; lest ony tyme hethene men seien, Where is the God of hem? Psalms 115:3 Forsothe oure God in heuene; dide alle thingis, whiche euere he wolde.

and idols are vanity,

Psalms 115:4 The symulacris of hethene men ben siluer and gold; the werkis of mennus hondis. Psalms 115:5 Tho han mouth, and schulen not speke; tho han iyen, and schulen not se. Psalms 115:6 Tho han eeris, and schulen not here; tho han nose thurls, and schulen not smelle. Psalms 115:7 Tho han hondis, and schulen not grope; tho han feet, and schulen not go; tho schulen not crye in her throte. Psalms 115:8 Thei that maken tho ben maad lijk tho; and alle that triste in tho.

he exhorteth to confidence in God.

Psalms 115:9 The hous of Israel hopide in the Lord; he is the helpere of hem, and the defendere of hem. Psalms 115:10 The hous of Aaron hopide in the Lord; he is the helpere of hem, and the defendere of hem. Psalms 115:11 Thei that dreden the Lord, hopiden in the Lord; he is the helpere of hem, and the defendere of hem.

God is to be praised for his blessings.

Psalms 115:12 The Lord was myndeful of vs; and blesside vs. He blesside the hous of Israel; he blesside the hous of Aaron. Psalms 115:13 He blesside alle men that dreden the Lord; he blesside litle men with the grettere. Psalms 115:14 The Lord encreesse on you; on you and on youre sones. Psalms 115:15 Blessid be ye of the Lord; that made heuene and erthe. Psalms 115:16 Heuene of heuene is to the Lord; but he yaf erthe to the sones of men. Psalms 115:17 Lord, not deed men schulen herie thee; nether alle men that goen doun in to helle. Psalms 115:18 But we that lyuen, blessen the Lord; fro this tyme now and til in to the world.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook