Psalms 112
Godliness hath the promises for this life,
Psalms 112:1 {The title of the hundrid and enleuenthe salm. Alleluya.} Blissid is the man that dredith the Lord; he schal wilne ful myche in hise comaundementis. Psalms 112:2 His seed schal be myyti in erthe; the generacioun of riytful men schal be blessid. Psalms 112:3 Glorie and richessis ben in his hous; and his riytfulnesse dwellith in to the world of world.
and of the life to come.
Psalms 112:4 Liyt is risun vp in derknessis to riytful men; the Lord is merciful in wille, and a merciful doere, and riytful. Psalms 112:5 The man is merye, that doith merci, and leeneth; he disposith hise wordis in dom; Psalms 112:6 for he schal not be moued with outen ende. A iust man schal be in euerlastinge mynde; Psalms 112:7 he schal not drede of an yuel heryng. His herte is redi for to hope in the Lord; Psalms 112:8 his herte is confermed, he schal not be moued, til he dispise hise enemyes. Psalms 112:9 He spredde abrood, he yaf to pore men; his riytwisnesse dwellith in to the world of world; his horn schal be reisid in glorie.
The prosperity of the godly shall be an eyesore to the wicked.
Psalms 112:10 A synner schal se, and schal be wrooth; he schal gnaste with hise teeth, and schal faile; the desijr of synneris schal perische.
|
