Psalms 11
David encourageth himself in God against his enemies.
Psalms 11:1 {The title of the tenthe salm. To the victorie of Dauid.} I triste in the Lord; hou seien ye to my soule, Passe thou ouere in to an hil, as a sparowe doith? Psalms 11:2 For lo! synneris han bent a bouwe; thei han maad redi her arowis in an arowe caas; for to schete in derknesse riytful men in herte. Psalms 11:3 For thei han distryed, whom thou hast maad perfit; but what dide the riytful man?
The providence and justice of God.
Psalms 11:4 The Lord is in his hooli temple; he is Lord, his seete is in heuene. Hise iyen biholden on a pore man; hise iyelidis axen the sones of men. Psalms 11:5 The Lord axith a iust man, and vnfeithful man; but he, that loueth wickidnesse, hatith his soule. Psalms 11:6 He schal reyne snaris on synful men; fier, brymston, and the spirit of tempestis ben the part of the cuppe of hem. Psalms 11:7 For the Lord is riytful, and louede riytfulnessis; his cheer siy equite, ethir euennesse.
|
