Wycliffe Bible

Psalms 109

David, complaining of his slanderous enemies, under the person of Judas devoteth them.

Psalms 109:1 {The title of the hundrid and eiytthe salm. To victorye, the salm of Dauid.} God, holde thou not stille my preisyng; Psalms 109:2 for the mouth of the synner, and the mouth of the gileful man is openyd on me. Thei spaken ayens me with a gileful tunge, Psalms 109:3 and thei cumpassiden me with wordis of hatrede; and fouyten ayens me with out cause. Psalms 109:4 For that thing that thei schulden loue me, thei bacbitiden me; but Y preiede. Psalms 109:5 And thei settiden ayens me yuelis for goodis; and hatrede for my loue. Psalms 109:6 Ordeyne thou a synner on him; and the deuel stonde on his riyt half. Psalms 109:7 Whanne he is demed, go he out condempned; and his preier be maad in to synne. Psalms 109:8 Hise daies be maad fewe; and another take his bischopriche. Psalms 109:9 Hise sones be maad faderles; and his wijf a widewe. Psalms 109:10 Hise sones tremblinge be born ouer, and begge; and be cast out of her habitaciouns. Psalms 109:11 An vsurere seke al his catel; and aliens rauysche hise trauelis. Psalms 109:12 Noon helpere be to him; nether ony be that haue mercy on hise modirles children. Psalms 109:13 Hise sones be maad in to perisching; the name of him be don awei in oon generacioun. Psalms 109:14 The wickidnesse of hise fadris come ayen in to mynde in the siyt of the Lord; and the synne of his modir be not don awei. Psalms 109:15 Be thei maad euere ayens the Lord; and the mynde of hem perische fro erthe.

He sheweth their sin.

Psalms 109:16 For that thing that he thouyte not to do merci, and he pursuede a pore man and beggere; and to slee a man compunct in herte. Psalms 109:17 And he louede cursing, and it schal come to hym; and he nolde blessing, and it schal be maad fer fro him. Psalms 109:18 And he clothide cursing as a cloth, and it entride as water in to hise ynnere thingis; and as oile in hise boonus. Psalms 109:19 Be it maad to him as a cloth, with which he is hilyd; and as a girdil, with which he is euere gird. Psalms 109:20 This is the werk of hem that bacbiten me anentis the Lord; and that speke yuels ayens my lijf.

Complaining of his own misery, he prayeth for help.

Psalms 109:21 And thou, Lord, Lord, do with me for thi name; for thi merci is swete. Psalms 109:22 Delyuere thou me, for Y am nedi and pore; and myn herte is disturblid with ynne me. Psalms 109:23 I am takun awei as a schadowe, whanne it bowith awei; and Y am schakun awei as locustis. Psalms 109:24 Mi knees ben maad feble of fasting; and my fleische was chaungid for oile. Psalms 109:25 And Y am maad schenschipe to hem; thei sien me, and moueden her heedis. Psalms 109:26 Mi Lord God, helpe thou me; make thou me saaf bi thi merci. Psalms 109:27 And thei schulen wite, that this is thin hond; and thou, Lord, hast do it. Psalms 109:28 Thei schulen curse, and thou schalt blesse, thei that risen ayens me, be schent; but thi seruaunt schal be glad. Psalms 109:29 Thei that bacbiten me, be clothid with schame; and be thei hilid with her schenschipe as with a double cloth.

He promiseth thankfulness.

Psalms 109:30 I schal knouleche to the Lord greetli with my mouth; and Y schal herie hym in the myddil of many men. Psalms 109:31 Which stood nyy on the riyt half of a pore man; to make saaf my soule fro pursueris.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook