Wycliffe Bible

Psalms 106

The psalmist exhorteth to praise God.

Psalms 106:1 {The title of the hundrid and fifthe salm. Alleluya.} Kouleche ye to the Lord, for he is good; for his mercy is with outen ende. Psalms 106:2 Who schal speke the powers of the Lord; schal make knowun alle hise preisyngis? Psalms 106:3 Blessid ben thei that kepen dom; and doon riytfulnesse in al tyme.

He prayeth for pardon of sin, as God did with the fathers.

Psalms 106:4 Lord, haue thou mynde on vs in the good plesaunce of thi puple; visite thou vs in thin heelthe. Psalms 106:5 To se in the goodnesse of thi chosun men, to be glad in the gladnes of thi folk; that thou be heried with thin eritage. Psalms 106:6 We han synned with oure fadris; we han do vniustli, we han do wickidnesse.

The story of the people's rebellion, and God's mercy.

Psalms 106:7 Oure fadris in Egipt vndirstoden not thi merueils; thei weren not myndeful of the multitude of thi merci. And thei stiynge in to the see, in to the reed see, terreden to wraththe; Psalms 106:8 and he sauede hem for his name, that he schulde make knowun his power. Psalms 106:9 And he departide the reed see, and it was dried; and he lede forth hem in the depthis of watris as in deseert. Psalms 106:10 And he sauede hem fro the hond of hateris; and he ayen bouyte hem fro the hond of the enemye. Psalms 106:11 And the watir hilide men troublynge hem; oon of hem abood not. Psalms 106:12 And thei bileueden to hise wordis; and thei preisiden the heriynge of hym. Psalms 106:13 Thei hadden soone do, thei foryaten hise werkis; and thei abididen not his councel. Psalms 106:14 And thei coueitiden coueitise in deseert; and temptiden God in a place with out watir. Psalms 106:15 And he yaf to hem the axyng of hem; and he sente fulnesse in to the soulis of hem. Psalms 106:16 And thei wraththiden Moyses in the castels; Aaron, the hooli of the Lord. Psalms 106:17 The erthe was opened, and swolewid Datan; and hilide on the congregacioun of Abiron. Psalms 106:18 And fier brente an hiye in the synagoge of hem; flawme brente synneris. Psalms 106:19 And thei maden a calf in Oreb; and worschipiden a yotun ymage. Psalms 106:20 And thei chaungiden her glorie; in to the liknesse of a calf etynge hei. Psalms 106:21 Thei foryaten God, that sauede hem, that dide grete werkis in Egipt, Psalms 106:22 merueils in the lond of Cham; feerdful thingis in the reed see. Psalms 106:23 And God seide, that he wolde leese hem; if Moises, his chosun man, hadde not stonde in the brekyng of his siyt. That he schulde turne awei his ire; lest he loste hem. Psalms 106:24 And thei hadden the desirable lond for nouyt, thei bileueden not to his word, Psalms 106:25 and thei grutchiden in her tabernaclis; thei herden not the vois of the Lord. Psalms 106:26 And he reiside his hond on hem; to caste doun hem in desert. Psalms 106:27 And to caste awei her seed in naciouns; and to leese hem in cuntreis. Psalms 106:28 And thei maden sacrifice to Belfagor; and thei eeten the sacrificis of deed beestis. Psalms 106:29 And thei wraththiden God in her fyndyngis; and fallyng was multiplied in hem. Psalms 106:30 And Fynees stood, and pleeside God; and the veniaunce ceesside. Psalms 106:31 And it was arrettid to hym to riytfulnesse; in generacioun and in to generacioun, til in to with outen ende. Psalms 106:32 And thei wraththiden God at the watris of ayenseiyng; and Moises was trauelid for hem, Psalms 106:33 for thei maden bittere his spirit, and he departide in his lippis. Psalms 106:34 Thei losten not hethen men; whiche the Lord seide to hem. Psalms 106:35 And thei weren meddlid among hethene men, and lerneden the werkis of hem, Psalms 106:36 and serueden the grauen ymagis of hem; and it was maad to hem in to sclaundre. Psalms 106:37 And thei offriden her sones; and her douytris to feendis. Psalms 106:38 And thei schedden out innocent blood, the blood of her sones and of her douytris; whiche thei sacrificiden to the grauun ymagis of Chanaan. Psalms 106:39 And the erthe was slayn in bloodis, and was defoulid in the werkis of hem; and thei diden fornicacioun in her fyndyngis. Psalms 106:40 And the Lord was wrooth bi strong veniaunce ayens his puple; and hadde abhominacioun of his eritage. Psalms 106:41 And he bitook hem in to the hondis of hethene men; and thei that hatiden hem, weren lordis of hem. Psalms 106:42 And her enemyes diden tribulacioun to hem, and thei weren mekid vndir the hondis of enemyes; Psalms 106:43 ofte he delyuerede hem. But thei wraththiden hym in her counsel; and thei weren maad low in her wickidnessis. Psalms 106:44 And he siye, whanne thei weren set in tribulacioun; and he herde the preyer of hem. Psalms 106:45 And he was myndeful of his testament; and it repentide hym bi the multitude of his merci. Psalms 106:46 And he yaf hem in to mercies; in the siyt of alle men, that hadden take hem.

He concludeth with prayer and praise.

Psalms 106:47 Oure Lord God, make thou vs saaf; and gadere togidere vs fro naciouns. That we knouleche to thin hooli name; and haue glorie in thi preisyng. Psalms 106:48 Blessid be the Lord God of Israel fro the world and til in to the world; and al the puple schal seye, Be it don, be it don.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook