Wycliffe Bible

Psalms 103

An exhortation to bless God for his mercy,

Psalms 103:1 {The title of hundred and secounde salm. Of Dauid.} Mi soule, blesse thou the Lord; and alle thingis that ben with ynne me, blesse his hooli name. Psalms 103:2 Mi soule, blesse thou the Lord; and nyle thou foryete alle the yeldyngis of him. Psalms 103:3 Which doith merci to alle thi wickidnessis; which heelith alle thi sijknessis. Psalms 103:4 Which ayenbieth thi lijf fro deth; which corowneth thee in merci and merciful doyngis. Psalms 103:5 Which fillith thi desijr in goodis; thi yongthe schal be renulid as the yongthe of an egle. Psalms 103:6 The Lord doynge mercies; and doom to alle men suffringe wrong. Psalms 103:7 He made hise weies knowun to Moises; hise willis to the sones of Israel. Psalms 103:8 The Lord is merciful doer, and merciful in wille; longe abidinge, and myche merciful. Psalms 103:9 He schal not be wrooth with outen ende; and he schal not thretne with outen ende. Psalms 103:10 He dide not to vs aftir oure synnes; nether he yeldide to vs aftir oure wickidnessis. Psalms 103:11 For bi the hiynesse of heuene fro erthe; he made strong his merci on men dredynge hym. Psalms 103:12 As myche as the eest is fer fro the west; he made fer oure wickidnessis fro vs. Psalms 103:13 As a fadir hath merci on sones, the Lord hadde merci on men dredynge him; Psalms 103:14 for he knewe oure makyng. He bithouyte that we ben dust,

and for the constancy thereof.

Psalms 103:15 a man is as hey; his dai schal flowre out so as a flour of the feeld. Psalms 103:16 For the spirit schal passe in hym, and schal not abide; and schal no more knowe his place. Psalms 103:17 But the merci of the Lord is fro with out bigynnyng, and til in to with outen ende; on men dredinge hym. And his riytfulnesse is in to the sones of sones; Psalms 103:18 to hem that kepen his testament. And ben myndeful of hise comaundementis; to do tho. Psalms 103:19 The Lord hath maad redi his seete in heuene; and his rewme schal be lord of alle. Psalms 103:20 Aungels of the Lord, blesse ye the Lord; ye myyti in vertu, doynge his word, to here the vois of hise wordis. Psalms 103:21 Alle vertues of the Lord, blesse ye the Lord; ye mynystris of hym that doen his wille. Psalms 103:22 Alle werkis of the Lord, blesse ye the Lord, in ech place of his lordschipe; my soule, blesse thou the Lord.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook