Psalms 1
The happiness of the godly.
Psalms 1:1 Blessid is the man, that yede not in the councel of wickid men; and stood not in the weie of synneris, and sat not in the chaier of pestilence. Psalms 1:2 But his wille is in the lawe of the Lord; and he schal bithenke in the lawe of hym dai and nyyt. Psalms 1:3 And he schal be as a tree, which is plauntid bisidis the rennyngis of watris; which tre schal yyue his fruyt in his tyme. And his leef schal not falle doun; and alle thingis which euere he schal do schulen haue prosperite.
The unhappiness of the ungodly.
Psalms 1:4 Not so wickid men, not so; but thei ben as dust, which the wynd castith awei fro the face of erthe. Psalms 1:5 Therfor wickid men risen not ayen in doom; nethir synneres in the councel of iust men. Psalms 1:6 For the Lord knowith the weie of iust men; and the weie of wickid men schal perische.
| 
