Proverbs 9:1 Wisdom bildide an hous to him silf; he hewide out seuene pileris, Proverbs 9:2 he offride his slayn sacrifices, he medlide wijn, and settide forth his table. Proverbs 9:3 He sente hise handmaides, that thei schulden clepe to the tour; and to the wallis of the citee.
and doctrine of wisdom.
Proverbs 9:4 If ony man is litil; come he to me. And wisdom spak to vnwise men, Proverbs 9:5 Come ye, ete ye my breed; and drynke ye the wiyn, which Y haue medlid to you. Proverbs 9:6 Forsake ye yong childhed, and lyue ye; and go ye bi the weyes of prudence. Proverbs 9:7 He that techith a scornere, doith wrong to him silf; and he that vndirnymmeth a wickid man, gendrith a wem to him silf. Proverbs 9:8 Nile thou vndirnyme a scornere; lest he hate thee. Vndirnyme thou a wise man; and he schal loue thee. Proverbs 9:9 Yyue thou occasioun to a wise man; and wisdom schal be encreessid to hym. Teche thou a iust man; and he schal haste to take. Proverbs 9:10 The bigynnyng of wisdom is the dreed of the Lord; and prudence is the kunnyng of seyntis. Proverbs 9:11 For thi daies schulen be multiplied bi me; and yeeris of lijf schulen be encreessid to thee. Proverbs 9:12 If thou art wijs; thou schalt be to thi silf, and to thi neiyboris. Forsothe if thou art a scornere; thou aloone schalt bere yuel.
Proverbs 9:13 A fonned womman, and ful of cry, and ful of vnleueful lustis, and that kan no thing outirli, Proverbs 9:14 sittith in the doris of hir hous, on a seete, in an hiy place of the cite; Proverbs 9:15 to clepe men passinge bi the weie, and men goynge in her iournei.
and error of folly.
Proverbs 9:16 Who is a litil man of wit; bowe he to me. And sche spak to a coward, Proverbs 9:17 Watris of thefte ben swettere, and breed hid is swettere. Proverbs 9:18 And wiste not that giauntis ben there; and the gestis of hir ben in the depthis of helle. Sotheli he that schal be applied, ether fastned, to hir; schal go doun to hellis. For whi he that goith awei fro hir; schal be saued.