Proverbs 3
An exhortation to obedience,
Proverbs 3:1 Mi sone, foryete thou not my lawe; and thyn herte kepe my comaundementis. Proverbs 3:2 For tho schulen sette to thee the lengthe of daies, and the yeeris of lijf, and pees. Proverbs 3:3 Merci and treuthe forsake thee not; bynde thou tho to thi throte, and write in the tablis of thin herte. Proverbs 3:4 And thou schalt fynde grace, and good teching bifore God and men.
faith,
Proverbs 3:5 Haue thou trist in the Lord, of al thin herte; and triste thou not to thi prudence. Proverbs 3:6 In alle thi weies thenke thou on hym, and he schal dresse thi goyngis.
to mortification,
Proverbs 3:7 Be thou not wijs anentis thi silf; drede thou God, and go awei fro yuel. Proverbs 3:8 For whi helthe schal be in thi nawle, and moisting of thi boonys.
to devotion,
Proverbs 3:9 Onoure thou the Lord of thi catel, and of the beste of alle thi fruytis yyue thou to pore men; Proverbs 3:10 and thi bernes schulen be fillid with abundaunce, and pressours schulen flowe with wiyn.
to patience.
Proverbs 3:11 My sone, caste thou not awei the teching of the Lord; and faile thou not, whanne thou art chastisid of him. Proverbs 3:12 For the Lord chastisith hym, whom he loueth; and as a fadir in the sone he plesith hym.
The happy gain of wisdom.
Proverbs 3:13 Blessid is the man that fyndith wisdom, and which flowith with prudence. Proverbs 3:14 The geting therof is betere than the marchaundie of gold and of siluer; the fruytis therof ben the firste and clenneste. Proverbs 3:15 It is preciousere than alle richessis; and alle thingis that ben desirid, moun not be comparisound to this. Proverbs 3:16 Lengthe of daies is in the riythalf therof, and richessis and glorie ben in the lifthalf therof. Proverbs 3:17 The weies therof ben feire weies, and alle the pathis therof ben pesible. Proverbs 3:18 It is a tre of lijf to hem that taken it; and he that holdith it, is blessid.
The power,
Proverbs 3:19 The Lord foundide the erthe bi wisdom; he stablischide heuenes bi prudence. Proverbs 3:20 The depthis of watris braken out bi his wisdom; and cloudis wexen togidere bi dewe.
and the benefits of wisdom.
Proverbs 3:21 My sone, these thingis flete not awey fro thin iyen; kepe thou my lawe, and my counsel; Proverbs 3:22 and lijf schal be to thi soule, and grace schal be to thi chekis. Proverbs 3:23 Thanne thou schalt go tristili in thi weie; and thi foot schal not snapere. Proverbs 3:24 If thou schalt slepe, thou schalt not drede; thou schalt reste, and thi sleep schal be soft. Proverbs 3:25 Drede thou not bi sudeyne feer, and the powers of wickid men fallynge in on thee. Proverbs 3:26 For the Lord schal be at thi side; and he schal kepe thi foot, that thou be not takun.
An exhortation to charitableness,
Proverbs 3:27 Nil thou forbede to do wel him that mai; if thou maist, and do thou wel. Proverbs 3:28 Seie thou not to thi frend, Go, and turne thou ayen, and to morewe Y schal yyue to thee; whanne thou maist yyue anoon. Proverbs 3:29 Ymagyne thou not yuel to thi freend, whanne he hath trist in thee.
peaceableness,
Proverbs 3:30 Stryue thou not ayens a man with out cause, whanne he doith noon yuel to thee.
and contentedness.
Proverbs 3:31 Sue thou not an vniust man, sue thou not hise weies. Proverbs 3:32 For ech disseyuer is abhomynacioun of the Lord; and his speking is with simple men.
The cursed state of the wicked.
Proverbs 3:33 Nedinesse is sent of the Lord in the hous of a wickid man; but the dwelling places of iust men schulen be blessid. Proverbs 3:34 He schal scorne scorneris; and he schal yyue grace to mylde men. Proverbs 3:35 Wise men schulen haue glorie; enhaunsing of foolis is schenschipe.
| 
