Wycliffe Bible

Proverbs 23

Sundry observations of moral virtues, and their contrary vices (10-24).

Proverbs 23:1 Whanne thou sittist, to ete with the prince, perseyue thou diligentli what thingis ben set bifore thi face, Proverbs 23:2 and sette thou a withholding in thi throte. If netheles thou hast power on thi soule, Proverbs 23:3 desire thou not of his metis, in whom is the breed of a leesing. Proverbs 23:4 Nyle thou trauele to be maad riche, but sette thou mesure to thi prudence. Proverbs 23:5 Reise not thin iyen to richessis, whiche thou maist not haue; for tho schulen make to hem silf pennes, as of an egle, and tho schulen flee in to heuene. Proverbs 23:6 Ete thou not with an enuyouse man, and desire thou not hise metis; Proverbs 23:7 for at the licnesse of a fals dyuynour and of a coniectere, he gessith that, that he knowith not. He schal seie to thee, Ete thou and drinke; and his soule is not with thee. Proverbs 23:8 Thou schalt brake out the metis, whiche thou hast ete; and thou schalt leese thi faire wordis. Proverbs 23:9 Speke thou not in the eeris of vnwise men; for thei schulen dispise the teching of thi speche. Proverbs 23:10 Touche thou not the termes of litle children; and entre thou not in to the feeld of fadirles and modirles children. Proverbs 23:11 For the neiybore of hem is strong, and he schal deme her cause ayens thee. Proverbs 23:12 Thin herte entre to techyng, and thin eeris be redi to the wordis of kunnyng. Proverbs 23:13 Nile thou withdrawe chastisyng fro a child; for thouy thou smyte hym with a yerde, he schal not die. Proverbs 23:14 Thou schalt smyte hym with a yerde, and thou schalt delyuere his soule fro helle. Proverbs 23:15 Mi sone, if thi soule is wijs, myn herte schal haue ioye with thee; Proverbs 23:16 and my reynes schulen make ful out ioye, whanne thi lippis speken riytful thing. Proverbs 23:17 Thin herte sue not synneris; but be thou in the drede of the Lord al dai. Proverbs 23:18 For thou schalt haue hope at the laste, and thin abidyng schal not be don awei. Proverbs 23:19 Mi sone, here thou, and be thou wijs, and dresse thi soule in the weie. Proverbs 23:20 Nyle thou be in the feestis of drinkeris, nether in the ofte etyngis of hem, that bryngen togidere fleischis to ete. Proverbs 23:21 For men yyuynge tent to drinkis, and yyuyng mussels togidere, schulen be waastid, and napping schal be clothid with clothis. Proverbs 23:22 Here thi fadir, that gendride thee; and dispise not thi modir, whanne sche is eld. Proverbs 23:23 Bie thou treuthe, and nyle thou sille wisdom, and doctryn, and vndurstonding. Proverbs 23:24 The fadir of a iust man ioieth ful out with ioie; he that gendride a wijs man, schal be glad in hym. Proverbs 23:25 Thi fadir and thi modir haue ioye, and he that gendride thee, make ful out ioye. Proverbs 23:26 My sone, yyue thin herte to me, and thin iyen kepe my weyes. Proverbs 23:27 For an hoore is a deep diche, and an alien womman is a streit pit. Proverbs 23:28 Sche settith aspie in the weie, as a theef; and sche schal sle hem, whiche sche schal se vnwar. Proverbs 23:29 To whom is wo? to whos fadir is wo? to whom ben chidingis? to whom ben dichis? to whom ben woundis with out cause? to whom is puttyng out of iyen? Proverbs 23:30 Whether not to hem, that dwellen in wyn, and studien to drynke al of cuppis? Proverbs 23:31 Biholde thou not wyn, whanne it sparclith, whanne the colour therof schyneth in a ver. Proverbs 23:32 It entrith swetli, but at the laste it schal bite as an eddre doith, and as a cocatrice it schal schede abrood venyms. Proverbs 23:33 Thin iyen schulen se straunge wymmen, and thi herte schal speke weiwerd thingis. Proverbs 23:34 And thou schalt be as a man slepinge in the myddis of the see, and as a gouernour aslepid, whanne the steere is lost. Proverbs 23:35 And thou schalt seie, Thei beeten me, but Y hadde not sorewe; thei drowen me, and Y feelide not; whanne schal Y wake out, and Y schal fynde wynes eft?

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook